之前試過Häagen-Dazs火煱, 食完以後都怕怕...太甜太漏! 所以, 未去試大坑抺茶火煱前, 也有一絲猶豫!!
溫馨提士, 一定要訂位, 本來星期三晚過去的, 但兩日前已爆滿, 所以改了周末中午過去,
全場11個座位一樣滿座. (因為我們一家已佔了三個位)
每一個火煱也是即點即造, 所以大約要等10分鐘, 而中途我又向店員八卦問:「每粒小丸子都要計數?」, 店員:「係呀! 每粒都係8g 」
主角上枱, 非常豐富的內容...士多啤梨, 香蕉, 蜂蜜蛋糕, 小丸子, 栗子, 紅豆蓉, 雲呢拿雪糕
不過, 未影相之際, 小朋友已不停用叉飲抺茶...我:「吓? 咁一陣我哋米無得打抺茶爐囉?」, SY:「抺茶好好食呀! 唔怕啦, 仲有咁多」
我問店員, 若果抺茶不夠, 能否加添呢? 店員答:「可以呀! (係米免費呢?) 係呀」 Yeah!! 正
店員推介先吃雪糕, 因為就在它似溶未溶之時放入口,
感覺非比尋常的好食...當我將雪糕於入抺茶煱內,
SY大叫:「吓! 你成個放入去呀? 好嘥喎, 我想就咁食呀」
但當吃了一口混了抺茶的雪糕, 小朋友又轉了口風 :「原來溝咗綠茶仲好食喎, (頭先你唔係咁講?), 我之前唔知呀」
火鍋「湯底」混入了朱古力, 忌廉, 及鮮奶, 所以濃郁有抺茶香之餘, 不會單一苦澀, 微甜又帶回甘, 回甘, 回甘, 好好味!
之後我們聽到店員對後面客人說:「如果你Follow我哋IG, 仲會送多一筒小丸子」, SY:「爸爸! 快D整啦, 我好鍾意食小丸子」
的確自家即場搓製的小丸子, 配上抺茶, 煙煙韌韌, 絶對好好食. 今日更加有10粒...發達啦.
說時遲那時快, SY又將蛋糕伴抺茶 :「爸爸! 佢係我早餐食嗰D莎莉蛋糕嚟呀! 原來點抺茶好好食」
其實, 我們太心急, 所以全部材料也只要伴兩, 三下便放入口, 所以不論士多啤梨,栗子都變成外暖內涼...
阿太特別試上一粒放了數分鐘的士多啤梨:「原來, 真係要浸耐D, 先夠暖笠笠架, E家成粒生果都有綠茶味,
咁先好食吖麻」
抹茶火鍋套餐 $138
Echigoya 越後屋
地址: 大坑施弼街27號地下
時間: Mon-Sun(2pm-11pm)
電話: 2573 2992 (一定要訂位)
大仁生活facebook
沒有留言:
張貼留言