【靚到嘩嘩聲】 300呎空中星河‧仲可以自製遙控許願球

「繽紛的天空裡千千億星宿, 就像似寶石鑲嵌閃爍得通透, 夜幕下多麼的詩意...」, 連續三年聖誕節, 走到沙田新城市, 我都一定會想起這首關淑怡的歌.

最浪漫, 最夢幻的空中花園, 當小朋友見到滿地燈海, 已經興奮得不停跑, 不停大叫:「嘩! 好靚! 嘩! 好靚! 捉依欣啦~爸爸」

雖然, 我不明白為何每當SY一高興就必要我陪他捉依欣, 但這個萬千星光的情景絶對會令人神魂顛倒.

此時在星河旁出現了一位外籍聖誕老人:「呵!呵!呵! 聖誕快樂」, 我:「聖誕老人你廣東話咁好嘅?」, 聖誕老人:「呵!呵!呵! 聖誕老人乜都識講少少」(好勁呀!)

今晚真的超多影相位, 大燈與小燈交織出如同一片花叢, 人被眾多燈泡夾雜下, 「燈不醉人人自醉」

真的要多謝大會, 因為在入口處加設了一個「自製星願波波」小手功. 小朋友一有新玩意, 我的被捉依欣任務又可以免疫啦!!

過百款不同顏色, 不同形狀的小膠片, 大家可以盡情放入「星願波波」內, SY:「仲有貼紙可以貼架」

之後, 交給工作人員, 他們會用膠水貼緊每一裝飾膠片. 有小朋友已急不及待, 虎視眈眈!!

工作人員:「波波上蓋我輕輕放少少膠水, 唔好貼咁實, 因為你放完許願池後, 如果有咩問題, 我哋可以打開佢, 再補救」

空中花園中央的300呎幻彩許願池絶對令人目不暇給, 河水星河不斷變色, 原來就連我們的「星願波波」一樣可以變色.

SY:「哥哥話, 每個波波都有一個搖控, 爸爸, 你睇...可以變12隻顏色呀! 我唔等你啦, 我去放許願波啦」

就是一個自製波波, 有小朋友便可以自己跟自己玩足45分鐘. 我問:「阿囝! 其實有咩咁好玩呢?」

SY:「好玩呀! 因為個遙控可以控制晒河入面所有波波呀, 我係咁同佢哋變色囉, 好好玩呀!」

這一刻 讓星光印證心願~一家人可以在星空下過聖誕節, 特別開心!!

「借波波放許願池」
電子商場消費(不論金額), 可借大會星願波波放入水中一次.

「自製星願波波」
逢星期五、六、日及公眾假期, 消費滿$800, (或以中銀信用卡$400), 每日名額100個, 額滿即止.

「璃光星河 ~ Milky Way In Town」
時間: 即日 - 2017年1月15日
地點: 沙田新城市廣場7樓戶外的星光花園



大仁生活facebook