一霎眼, 一年又過去, 2016年我一共寫了361篇網誌, 朋友P說:「不如你整返個『2016年我最喜愛的十大網誌』,
咁你年尾米可以休息一天囉」, 我:「係喎」
於是, 就產生了今篇2016年最後的一篇博文...不過, 原來重新篩選十篇網誌出來,
更花時間呀! 老友...
【中醫館食糖水】溫暖牌糖水! 胡太好手勢, ! 特色仙草百配 ($20), 芋圓、地瓜圓、西米、珍珠、仙草、紅綠豆、薏米、白玉湯圓仔, 份量滿到瀉.足料又抵食@康瑞涼茶
【隱世餃子王】觀塘工廈食日本赤豕餃子, 好食到叫救命! 徐師傅好好人, 徐太煮餃子技術一流. 食過徐師傅餃子「返唔到轉頭」
【田園遊樂場】$80任玩!介紹完真係有好多人去玩, 先係最開心 @ 假日農場 (剛剛好一年, 唔知有冇加價呢?)
【爆肥美】 $78 親子丼 ! 抵食過灣仔築地, 更加肥美, 舖頭細細, 但超鮮, 超好食 @ 元朗「丼家」超級正!!
【真‧隱世秘道~】多謝魚子媽帶埋我同SY去尋找了鬧市中的海角7號, 每人十蚊出海, 3分鐘坐去避風塘睇日落!! 嘩, 原來人生可以如此美好.
【臭味拜拜】多謝舅仔教路, 原來Starbucks可以免費攞咖啡渣, 之後自己做除臭吸味包包, 零難度! 7個月後的今天, 依然繼續用.
【葵芳誠意小店】如果不是有網友報料, 我根本不會知道, 蘇折對面有如此超值串燒, 地道海南雞飯, 雞滑又嫩, 連飲品只售$30, 太Magic啦 @泰Magic
【平到《黐線》!!】$88 任添任食 ‧ 嫩雞煲打邊爐, 真的不用再介紹, 抵!抵!抵! 最近連火鍋配料都變任食添....添哥! 無得頂@林洪記
【街市食正宗日本料理】真‧日本人主理, 平‧正‧夠地道, 澳洲和牛$88(100g ) , 點燒鯖魚定食($68)...日本的味道. 唯一缺點「和宜合道熟食市場」沒有冷氣...冬天去無問題啦!!@「満足食堂」絶對沒有改錯名.
【街坊小店‧食正嘢】大窩口絶對是美食大本營..12年街坊麵包店, $4蚊!!超靚花花紫薯撻, 好食, 又足料, 老闆娘王太又笑容滿面, 非常好人@貝嘉餅屋
其實, 本來十篇網誌中一定會有...【荃灣驚喜】良心小食部~真‧必食三寶 @ 鮑記大食部, 可惜兩個月前, 鮑記已經結業, 期待著這小店有機會另覓更佳位置重開.
大仁生活facebook
沒有留言:
張貼留言