【任食糖10分鐘】赤柱聖誕市集~4日限定

赤柱聖誕又有市集, 80檔, 80檔, 80檔...連續2星期周末限定, 即只有4日! 超短期.

今次還有一個大賣點,  5米高愛麗斯夢遊仙境一樣的糖果屋, 其實屋仔並不是賣點, 屋仔內近千枝手工波板糖才是主角.

因為, 只要在商場或市集消費滿$500, 就可以走人糖果屋任食任玩10分鐘.

不過, 有條件...就是只限堂食, 不可以外賣. (貼士: 帶備剪刀以防萬一...波板糖袋很難開!)

今次市集如同去年一樣, 都是以德國為主題. 玩玩食食絶對可以飲飽食醉.

德國麵包Pretzel $25,  大廚Andrew說:「可以配芝士, 或者白朱古力, (我:你喜愛也款?), 芝士加煙肉」

各款漿汁, 配料各$5. 德國人可能愛鹹食, 而我則覺得沾上白朱古力, 但配炸至脆身的煙肉, 鹹鹹甜甜, 口感一流!!

攤位名稱：Classified（攤檔編號：B18）

德國咇啤軟糖$100/ 3 包, 我最初以為是普通啤啤糖, 原來似放了粒蜜糖入口.

負責人Alice:「上年每日下午4點就賣晒, 一日最少賣400包, 因為我哋真係用11%蜂蜜造, 全天然, 唔係普通超市賣到嗰D喎」

還有手工蜂蜜啤酒 $60,  有機蜂蜜加入德國啤酒,  Alice:「上年最好賣就係佢」, 飲過手工啤絶對不能返轉頭.  攤位名稱： He X API（攤檔編號：B05）

另外, 市集還有公仔朱古力, 又麵包超人, 又Miffy...話時話德國都播麵包超人嗎?

還有160年歷史的德國木製品, 配合聖誕主題推出公仔香薰座, 全人手製作,  這個咖啡壺吹煙公仔$870...所以逛市集, 可能也需要帶備足夠彈藥

赤柱廣場德國童話村聖誕市集
日期：12月10-11 日及 12月17-18日（連續兩個星期六及日）
時間：12nn-8pm
地點：赤柱廣場天幕廣場


「糖果屋任食」細則︰
1 . 赤柱廣場及市集內, 以電子消費滿 $500, 即可換領參加證一張.
2 . 波板糖任食~每日名額 96 人, 先到先得.
時間: 3pm-4pm、6pm-7pm 共 2 個時段, 每時段 4 節,每節 10 分鐘,每節上限 12 人.
3 . 表演及聖誕老人現身時間：12 月 10、11、17 及 18 日 2pm-7pm



大仁生活facebook