【懶動作X10】蛋黃哥陪你~慢活銅鑼灣 GUDETAMA

今日, 我跟SY說:「爸爸去影蛋黃哥喎, 要唔要買隻公仔畀你呀?」, SY:「我都唔鍾意蛋黃哥, 不如你買隻布甸狗畀我啦」(正! 慳返)

想不到今年商場鬥快搶閘迎聖誕, 11月頭已經又到聖誕, 又到聖誕...

超搶眼的鮮黃色聖誕佈置, 本來我也覺得:「車! 無咩特別啫 , 係得個氹氹轉真係可以坐係上面轉轉轉...囉」

話口未完, Sanrio當中最懶, 最Hea的主角被工作人員用車仔推出場, 全場起哄!

未親眼見過真‧蛋黃哥, 也不會感受到他的「氣」, 經常聽到人說:「--蛋黃哥好懶, 好Hea, 好攪笑架」. 一直以為人「誇大」, 原來, 聞名不如見面.

蛋黃哥絶對是慢活的佼佼者...他每踏一步, 每揮一揮手, 每扭一扭腰, 會部如同10倍慢鏡速度, 我今日終於見識何謂「凝聚力」, 何謂「神級氣場」

經過今日, 我應該也有少少愛上 蛋黃哥啦!! 特別當他蓋上專用煙肉被, 及他怕吱怕痕的表情, 我覺得較布甸狗更有性格喎.

我問朋友:「E個男人係咩人嚟?」, 朋友E答:「蛋黃佬囉, 我估係蛋黃哥朋友掛, (佢真係叫蛋黃佬?) , 我是旦作咋」(車!)

場內有「梳乎聖誕拋拋樂園」擲球遊戲, 三球擲中兩球就可以蛋黃哥杯墊... 不過, 神奇膠貼再多少少, 應該會更加易中. (E家好難玩呀!)

今次化身薑餅蛋黃屋的POP-UP-STORE才是致命傷, 因為就連未迷得入血的我, 也被吸引得左揀右揀.

限定的「國王的新衣」系列, 有錶, 有鐘, 有公仔, 有咕臣, 而限定店內最最最特別的, 非那一塊會說話的鏡莫屬.

將鏡拿上手, 大有巫婆王后感覺, (對付白雪公主那位),  鏡子($164)不停說:「係! 係! 卡哇衣! 卡哇衣」. 真的阿叔也被冧死了

今個聖誕,  以卡通人物做主題的商場,  蛋黃哥算是最人氣旺盛了, 如果, 大家也想近距離跟真‧蛋黃哥學懶的話,  記得今個星期六 (5/11) 過來商場揭幕禮啦.... 包你愛上懶洋洋的懶蛋.

GUDETAMA Merry Egg’s mas梳乎滋味
日期：2016 年 11 月 6 日 至 2017年 1 月 2日
地點：皇室堡、東角

「GUDETAMA」揭幕禮暨姜熙建簽名會
日期：11月5日 (星期六)
時間：下午3時
地點：皇室堡
嘉賓：姜熙建(Gary)及GUDETAMA


「GUDETAMA」獨家親筆手繪簽名會
日期及時間：11月5日（星期六）－ 下午5時30分（第一場）
                       11月6日（星期日）－ 下午3時（第二場）
地點：皇室堡

大仁生活facebook