我有理由相信, 最近一年香港多了一種「降頭」叫「溫野降」. 因為, 食完一次之後, 你一定會上癮.
本來, 每次出門口, 總要三催四請的SY, 我今晚一出殺手鐧 : 「今晚去溫野菜, 好多人架吓!」, 小朋友即時9秒9換衫, 執袋, 著鞋, 開住大門等我...
多得尖沙咀工作的阿太一放工便來等位, 由18:30等到19:35已經有位, 這簡直神跡. SY:「係囉! 次次都等3個鐘喎」(全靠偉大的阿太囉)
其實, 今次又再來溫野菜, 全因為我想換熊本熊的部長煲. 因為11 月 22 日超，連續 3 個月「溫野菜」聯乘「熊本熊」開催熊本祭開呀!
SY:「爸爸! 係喎, 個煲真係好靚喎」, 我問店員:「好似話食餐加$90就可以換, 我想換三個?」
店員:「唔好意思, 熊本熊雪見鍋定食 $358, 連限定煲就係$448,
唔可以單獨換喎, 同埋今日只係剩返14個咋」(要, 要, 要, 一個定食啦! 唔該)
SY:「爸爸! 其實熊本熊邊爐同我哋之前食嘅溫野菜有咩分別?」原來, 火煱湯底變成「骨膠原鹽湯」, 再配熊本縣名物白蘿蔔蘿蔔蓉.
至於熊本是否盛產豚肉呢? 我不太清楚, 但每個套餐都會跟一客梅肉、腩肉、豚肉眼.
我問SY:「你知唔知豚肉眼即係邊度呢?」, 小朋友指著眼睛...哈哈! 我又整蠱成功了, Yeah!
我:「熊本豚梅肉最易咬, 肉質最好, 因為腩肉有少少一陣風, 其實三款都好香」,SY:「係咩? 我覺得三隻都差唔多, 總知就係好」
我問店員:「部長會唔會現身呀? 」, 店員:「暫時都無收到消息, 應該唔會」, 阿太:「你哋宣傳先會出嚟啦,
平日點會走隻熊出嚟咩」
溫野菜當然出名就是菜, 今次套餐有日本直送水菜、生菜、啡金菇、本菇、以及最靚的紅心蘿蔔. (不過...點解咁鬼苦呢?)
愛玩的SY一見竹筒免治雞, 即時霸來玩, SY:「好黏喎, 好彈喎, 爸爸...我整得好唔好食呀?」( 好...你負責放啫, E度咩都好食架啦)
限時120分鐘, 原來左影右影是不夠時間食的, 不過, 店員也超好人, 只是幫我們結帳後, 也沒有催促, 但我也是醒目仁, 你出了絶招, 我也加大Turbo, 快快清了枱面食物啦!!
PS: 記得讚好及上載有熊本熊的相片到官網, 因為會送你一碗熊本鹽漿麻香椰菜呀!
雪見熊本熊鍋(限量1,000 個)
雪見熊本熊鍋(限量1,000 個)
沒有留言:
張貼留言