【一個月限定】 甜品舖變「出前一丁」Pop-Up-Store @ 我要清仔杯緣子

每年「日清」都會舉辦杯麵工作坊, 場內定必有限定商品換領. 今年的好像還未開始, 不過尖沙咀有甜品店就變身限定店, 只玩一個. 全個月只賣3款丁麵, 及5「款出」甜品.

我來食麵, 最大目的, 當然就是為了清仔杯緣子. 所以一走入店, 我第一時間問:「杯緣子, 同多士爐仲有冇貨呀?」

店員答:「有呀! 你唔駛心急, 食完先換啦. (我驚無晒), 放心啦, 仲有好多」(哦! 咁我慢慢食完先買喇)

甜品店今個月放棄了一貫的所有食品, 只賣指定的出前食品, 本來有三款「出前一丁」棒丁麵套餐($60), 但店員說:「味噌味尋日賣晒, 要幾日後先返」

於是, 我們點了黑蒜油豬骨濃湯棒丁麵. 標榜每條麵條長約24厘米, 我覺得有點似米線, 似煮軟腍了的米線.

 其實, 我愛生一點, 微微彈牙的公仔麵, 可能我真的不太識食吧.

嘆完有糖心蛋點綴的棒丁麵, 就來吃甜品！5款主題甜品, 當中最好味的一定是「紫葡之戀」

單單巨峰硫璃珠, 配一粒半的香芋雪糕糯米糍已經吸引, 如果杯邊的四粒提子也是巨峰, 一定更加發達.

第二款正正常常的甜品, 就是「清仔草莓派對」. 士多啤梨混牛奶布甸, 配芝士蛋糕, 簡簡單單, 這裡杯裝勝碟裝甜品喎.

加入了黑蒜油味窩夫的「清妹黑白蜜語」, 阿叔還是愛傳統. 本來芝麻軟雪糕沒有任何問題, 最奇怪是黑芝麻湯圓...非常結實, 可能賣點就是玩香口冰火.

「清仔ICHIBAN」的蜂蜜糖漿熱班戟絶對香口, 可能我對這球抹茶雪糕有少少保留, 配其他味道的雪糕應該更錦上添花.

「清仔DOUBLE HAPPINESS 」非常多層次的小蛋糕, 亦是最有誠意的主題甜品, 因為白朱古力片有清仔靚仔相呀!

木槺布甸配豆奶油, 中間還有瑪莉餅碎, 及紅豆蓉非常大堆頭, 愛脆口, 愛鬆, 愛質感的人, 一定有感而發！

酒翁之意不在酒, 在乎限定之品也...阿太:「我哋都唔食麵包, 我想買個焗爐多D喎」(吓?? 咁我就換粒杯緣子算啦)

回到家...阿太一見清仔:「嘩! 粒杯緣子好靚呀, 點解你買得一粒, 咁少?? 唔食嘢, 可唔可以直接買呀! (得喎), 咁我聽日自己去買多幾粒先」(哦! 遵命)

甜品工房
地址：尖沙嘴厚福街12-12A號地下
期間限定：即日至11月30日


大仁生活facebook