今晚, 我們又去食紫菜包飯!!
全天候Oppa主理, 雖然我不看韓劇, 但看到大大隻, 笑容可恭的Oppa們, 感覺尖東也變成外國一樣.
其中一位Oppa叫阿Nick, 略懂少少廣東話, 他說:「我住了香港15個月, 廣東話係香港女朋友教的」
身為八方雲集的忠絲, SY:「我想食炸餃子($32/5隻)」,阿太:「隔離一大籠蒸餃 ( $55/8隻) 好似幾好食喎」
卒知, 我們各點了一份,
SY:「韓國蒸餃真係同平時食嘅唔同喎」, 今次小朋友又說得沒有錯,
肉較腍, 而且味道帶甜, 不過賣相則有點不太美觀.
阿太:「其實, 係米佢哋蒸得太耐呢?」, 有這個可能, 因為肉太腍真的似蒸過頭的口感.
反而, 雖然炸餃子沒有蒸餃的甜肉味,
但「脆岳岳」香口又惹味, 中間又夾有粉絲, 韮菜, 吸引得多.
吃完兩款餃子, 我們便從9款紫菜包飯中揀了2款. 聞說這裡餡料與飯的比例剛剛好是8:2, 所以餸多飯少非常抵食.
不過, 為何韓式包飯一定要在紫菜上掃上一層麻油, 我好想問阿Nick...但不懂發問, 大家雞同鴨講.
鰻魚紫菜包飯（$65) ,
鰻魚算夠肉嫩, 而且飯中間夾了少量紅薑,
好玩!! 過癮!!
不過, SY:「辣, 辣...(我:少少薑啫)」隨後再吃時, 小朋友便自動自覺挑走了薑才進食.
而「炸豬扒紫菜包飯（$62）」，飯中的炸豬扒件...我:「好硬喎!」, 阿太:「我只係食到D皮, 無肉喎」
SY:「我都係鍾意食頭先個鰻魚多D, 如果佢個豬扒軟(腍)D就好D」.
雖然, 豬扒不是水準之作, 但我超喜愛他們每碟紫菜包飯都附送少量Kimchi... 阿太:「係呀! 好呀! 夠開胃呀!」
臨走前我問阿Nick:「NAS咩意思?」, 他答:「Not a Sushi（N.A.S）, 我哋唔係壽司, 係Gimbap」(話時話...外國人識少少廣東話, 真係零捨親切喎)
N.A.S. 紫菜包飯 (外賣/堂食)
地點: 尖沙咀東部新文華中心地鋪15-16號
時間: 11:30am-3:30pm/ 5pm-10pm
沒有留言:
張貼留言