【願望「城」真】 mega 聖誕玩具大派送 @ Toys"R"Us

還未正式踏入聖誕月, 想不到活動已經排山倒海的湧出來. 上星期日更加晨早8時起床, 目的就是陪SY去Toys"R"Us玩玩具...

SY一邊行一邊問:「爸爸! 點解要一早就去“反”斗城呢?」 因為, 今日是“反”斗城Personali-Station正式開幕.

我:「以後我哋可以印自己個名係玩具, 精品, 水杯, 鎖匙扣上面呀!」

SY:「係喎..我個中文名都印到喎, 但爸爸..點解唔揀柯柏文, 要揀長頸鹿呢?」 因為, 要到下星期, 電腦才推出其他角色喔！

今日, 可以不停集郵, 因為有薯蛋頭, 肥叔叔, 大富翁, 柯柏文, Pony...

我:「哎呀! 我頭先以為Thomas 嗰肥叔叔就係大富翁添, 咁鬼似樣」, SY:「都唔似樣, 一個肥咁多!」(減咗肥米就係一樣樣囉)

之後便開始由Johnny哥哥逐一介紹 「2016聖誕15大好玩玩具」... 我最初以為小朋友們「眼看手勿動」, 氣氛會比較沉悶, 誰知...

Johnny每拿出一件玩具, 小朋友們也興奮大嘩特嘩. 其實, 我望到「 1:14 搖控變身車」, 搖控變形連我也想玩.

軌道收藏箱連2架合金車, SY大叫:「爸爸...我好想要嚟叫晒我屋企D車入去呀!」

超級電子銀行大富翁, SY雙眼發光:「我好想要呀! 可以嘟卡呀! 我都未玩過嘟卡嘅大富翁, 一定好好玩」(阿囝...傳統數銀紙米仲有滿足感)

12吋互動白兵人偶, 又一件玩具連大叔都心動啦...拋高, 發搶, 全部有不同聲效, 如果可以有星戰OP就更加完美.

講解過後, SY試玩那輛超型的「搖控變身車」, SY:「原來一撳就得...」, 我問:「你係米最想要E份禮物呢?」

SY:「唔係! 我最想要大富翁, 因為我想嘟卡」( 我終於發現SY不愛一個人玩玩具), 阿太:「一早叫你生多一個啦」(我哋有錢養先算啦)

言歸正傳...原來, 今次反斗城舉辦了一個「願望郵箱」活動, 小朋友只要在願望卡寫出最想要的禮物, 最有創意的十位, 便可以夢想成真, 得到那件玩具.

另外, 鬥呃Like一樣有獎, 只要在店內的指定拍攝區, 上載一張小朋友手持心水玩具的相至Facebook, 首20位獲得最多「讚好」的小朋友就一樣得到相中玩具.

本來, SY很用心在願望卡上寫出想要「超級電子銀行大富翁」的原因, 但心有靈犀, 大會竟然很有心的送來大富翁.

SY笑得見牙不見眼, 他說:「我想改咗張卡, 因為我已經有禮物, 我希望“反”斗城送一個StarWars 畀爸爸...我有玩具, 佢無玩具」(嘩! 從未如此Warm過, 偷偷起雞皮, 又偷偷笑了)

回到家, SY即時拆開大富翁, 不停玩, 不斷找媽媽陪他玩, 結果阿太投訴:「玩咗2個鐘啦, 我好悶呀! 我唔想玩, 不如你左手同右手玩啦」

結果, 小朋友找來最愛鍚他的公公陪玩, 還一連玩了三晚. (我從來唔鍾意捉棋, 但係點解阿囝咁鍾意玩紙牌類嘅遊戲呢?)

「mega Christmas」玩具滿FUN
日期: 即日起至2017年1月2日


Wish List/願望郵箱活動
日期: 即日起至12月11日


「Personali-Station」　
日期:11月中至2017年1月底



大仁生活facebook