【成個熊本搬咗嚟】Kumamon熱舞陪你過聖誕

部長!部長!部長! 第一次有商場用Kumamon做主題, 今日更加有部長抱抱跳勁舞, 一於帶SY去集郵.

今次絶對整個熊本縣搬了來鑽石山, SY:「Kumamon住嗰度真係咁樣? 咁佢屋企叫咩名?」我:「熊本縣有隻熊, 所以佢先叫熊本熊囉」

SY:「爸爸...你去過熊本未?」, 我:「無呀! 我去嚟去去都係去東京, 大阪, 因為有超合金, 有Bearbrick買, 熊本, 我諗應該好少」

因為, 未到過熊本, 所以對於神社鳥居, 水前寺公園, 球磨川木橋等地方也只是上網見過...有機會真的要會一會真身, 可能有機會給我撞到懷舊玩具店呢!!

忽然SY坐了在浸溫泉的部長前面...SY指指Kumamon:「有冇毛巾? 我想扮佢」, 我順手拿了一棵菜放在他頭上...SY:「我要毛巾, 唔係要棵菜喎」

熊本縣列車有兩卡, SY:「我以為個車頭可以揸車, 原來假架」(你唔係諗住架火車可以開掛?)

不過, 第二卡列車, 有人玩到不捨得走...SY:「好玩呀! 爸爸! 你行左Kumamon就去左, 你行右佢又去右, 你幫佢捉生果呀! 我最高攞咗900分呀」

Q版後的球磨川木橋超可愛, 其實, 我上網看到這條橋, 只是一條普通的傳統木橋. 原來, 一放了部長在橋下看風景, 即時變萌.

今次的Pop-UP-Store設計得超像真, 絶對似日本街頭的雜貨店一樣...SY:「佢個汽水機如果真係有汽水出就好囉」(如果你係Louis Yan就得囉)

終於等到部長出場啦...原來台側, 台後, 台前, 二樓, 三樓全部也企滿Kumamon粉絲, 部長非常識做, 全部逐一打招呼, 才彈上台跳舞.

上次已經見識過部長的靈活, 勁歌熱舞...全場氣氛被推至最高潮. (其實, 部長入面的靈魂人物應該超辛苦)

載歌載舞之後, 終於輪到我們合照啦. 太高興...SY:「Kumamon你好多毛好好攬」(小朋友絶對遺傳了我的Mascot控性格)

Kumamon『熊』式聖誕之旅
日期： 即日至2017年1月2日
時間： 12:00nn-9:00pm
地點： 鑽石山荷里活廣場1樓明星廣場


「Kumamon左摘右摘熊本水菓」 聖誕版電子體感遊戲
日期： 即日至2017年1月2日
時間： 1:00pm-6:00pm


Kumamon精品店 – 聖誕義賣
日期： 即日至2017年1月2日
時間： 1:00pm-8:00pm




大仁生活facebook