今朝阿太通知我:「原來ifc間「辻利茶舖」只做外賣, 無堂喎, 咁今晚仲去唔去?」, 我:「去呀! 企係度食都要去, 人哋係日本有成156年歷史喎」
晚上由阿太放工直接去ifc排隊, 我則等SY完成功課才匯合.
大約18:20 阿太到達後來電:「大約50人排緊隊, 你哋可以慢慢過嚟都未遲」,
晚上19:00, 我們到達, 差不多便到我們購買.
我們打算點 「IFC 限定窩夫 $78」, 「抹茶/焙茶卷蛋蛋糕 $238」, 但店員答:「唔好意思, 今日賣晒啦, 我哋今日返咗兩轉都賣晒」
結果, 我們唯有買辻利抹茶
Latte $48（凍） , 及
雪糕新地 ($68).
用膠杯出來的新地, 兩層抹茶雪糕中間夾著紅豆蓉,
對於不愛紅豆的仁, 如果下次叫店「走」紅豆...未知是否可行呢? (SY:爸爸, 但係我鍾意食喎, 唔好走啦)
脆脆米在最底, 可以令整杯新地更有飽肚感,
抹茶啫喱+白玉小丸子, 好好食...
最特別, 當然是那茶盒形的小窩夫,
SY:「入面係忌廉嚟架, 個窩夫好似爆谷, 好好食」. 忌廉不甜, 配勁回甘味的抹茶, 特別有韻味.
百年老字號的抹茶, 就連沖 Latte, 一樣又香又滑又令人「撞邪」一樣, 愈飲愈笑, 愈食愈High...
我:「好食就好食, 但咁鬼早就賣晒」, 阿太:「人哋開11:00, 你19:00先嚟, 梗係賣晒啦, 又唔駛你排隊, 仲咁多嘢講」
沒有留言:
張貼留言