【免費去扭杯緣子】聖誕杯緣子又嚟啦!!

昨日, 阿太興奮地通知我:「上環有杯緣子展覽呀~Yeah!!」. 杯緣子去年聖誕首次來港, 估不到一年後, 聖誕又見妳啦!!

其實, 我沒有想過信德中心也有聖誕展覽. 今日SY一到場竟然說:「上次去澳門米嚟過囉?」,想不到三年前的事他也記得.

有杯緣子當然就要扮一下啦, 我對SY說:「不如你扮一字馬啦, 杯緣子經典動作」

SY:「我都唔係杯緣子, 我係人, 佢係公仔, 同埋我又唔係女仔」, 回想當初, 這位小朋友應該要會拒絶我的要求, 今時今日, 還要理論多多呢!!

現場除了有大大的杯緣子, 還有無數細細的杯緣子, 我問阿太:「你有冇E啲款呀?」

阿太一邊看一邊答:「除咗今年套聖誕節版之外, 全部屋企都有, 你都無留意我喎」(真係唔知, 你幾十盒, 仲多過我啲Bearbrick)

我:「點解你又唔儲埋今年聖誕版呢?」,阿太以專家口吻:「因為今年同上年嗰套姿勢一樣, 轉咗色, 我諗住遲D去日本先扭」

今日, 全場最精彩就是一個Facebook就可以免費登記抽杯緣子扭蛋, 我們三個FB戶口, 就可以扭三次.

第一次SY有點迷茫:「唔係杯緣子嚟呀! 係男人...」(原來是おそ松さん）, 第二次則扭到怪叔叔, SY:「媽媽話佢係杯緣子男朋友.

最後一次就成功抽到心心杯緣子, 阿太:「心心都好, 我啱啱差E隻色, 不過, 如果係聖誕版就仲好啦! (我:即時申請多個FB囉), 咁又太貪心呀??」

『杯緣子冬日聖誕音樂會』
即日至2017年1月2日
上環信德中心 (二樓中庭)


大仁生活facebook