【我要剪頭髮】鹹蛋超人髮型屋 @ 油麻地

話說上星期日, 一家三口又到油麻地巡視業務, 正當我們走到二樓沙爹王門口, SY大叫:「咁得意, 有個鹹蛋超人剪頭髮喎」

雖然, 我們是幪面超人粉絲, 但也絶不介意欣賞一下另一日本英雄系列, 基本上只要是玩具, 我都不抗拒.

本來, 只是參觀, 但望一望SY頭髮好像很長, 於是就問他想不想剪頭髮, Tiffany見狀說:「你哋可以隨便影相喎, 唔駛夾硬要嚟剪髮呀!」

我:「唔係呀! 橫掂佢都要剪啫, 多唔多人好似我咁被你D鹹蛋超人吸引咗入嚟剪髮呀?」

Tiffany:「我哋新開一個月左右, E個月好多人都好似你咁走入嚟, 有D人仲問我賣唔賣D公仔, 我拍檔當佢哋係寶物, 賣咗實被佢打死都似」

原來,  所以鹹蛋超人都是Tiffany的珍藏, 而她本來只想開髮型屋, 但又想有特色, 於是拍檔就提意由他供獻玩具, Tiffany就負責剪髮.

Tiffany很有經驗, 而且手勢較其他10分鐘髮型屋優勝, 她說:「我都剪咗好多年啦, 不過, 我剩係鍾意剪頭髮, 所以就開一間純剪髮嘅舖頭囉」

正正因為發現Tiffany剪得夠細心, 所以我又忍不住再剪. Tiffany:「你個頭好似剪咗唔夠2星期喎?」

我:「係呀! 因為上次剪得唔好, 我見妳好好手勢, 所以想妳幫我執好佢囉」

當我還以為Tiffany對鹹蛋一竅不通之際, 她竟然指著玩具說:「我最初對E隻嘢無乜好感, 但望望下, E隻吉田都幾靚架喎」(吉田都識, 好嘢喎!)

這裡不是10分鐘剪髮, 因為Tiffany真的很用心, 慢慢剪...我:「正喎! 我之後行現時點就可以順便搵你幫我剪啦」

阿太:「你幫唔幫你染髮? (Tiffany搖頭), 哎呀! 我想染...」想不到鹹蛋超人的威力, 連阿太都吸引到喎.

Point Cut點剪
油麻地現時點2樓258號舖（沙嗲王旁）


大仁生活facebook