半年後的今天, 商場再次變身「荒失失奇兵聖誕雜技團」一樣沒有失望!! 超刺激...因為連大人都可以全程參與的商場Event, 實在少之又少!!
今日, 離遠已經看到愛力獅站在馬戲團大門口, 可能大獅子太大隻, 有媽媽想叫小朋友過去合照,
嚇得小朋友頓時聲淚俱下. (黑心旁觀仁, 忍唔住偷偷笑咗, 對唔住)
4大必玩遊戲 第1位: 「荒失失空中飛人」
絶對不是一貫Hea爆的充氣彈床, 這是堅彈床, 連6米 高威也...真正飛越巔峰是也.
彈床上有教練可以幫你翻根斗, 教練:「你跳高D, 舉起雙腳, 我會幫你」(多謝教練~)
我:「都彈唔起嘅, 原來咁鬼難」, 不過, 經過一, 兩次失敗, 之後教練的神之手一山, 勉強也算翻騰了三次, 超快感! 超好玩!!
註:
參加者身高須達90c m以上及體重75kg以下
只限周末開放, 限時3分鐘 (不要看少只有3分鐘, 超攰)
商場消費滿$500, 排隊換籌
第2位: 「攀山越嶺疊羅漢」
本來心想:「嘩! 4米 石牆...好貴喎」, 原來輕輕鬆鬆鄧梓峰. 小朋友做足安全措施比較穩陣...其實, 大人徒手攀爬也不是問題.
AR幕場會有三款動物順序閃動, 只要你爬上石牆, 用身體遮蓋那隻動物即可...
好玩, 但未夠喉, 穿安全帶時間好像更長,
如果可以捉5-6隻動物, 一定更好玩.
註:
參加者身高須達90c m以上及體重75kg以下
商場消費滿$100, 即可參加
第3位: 「勇猛跳火圈」
快速跳過三個「火」圈陣,再一邊轉碟, 一邊走過平衡木.
我問工作人員:「點解火圈無火嘅? 係米第一日無, 正式先有呢?」, 工作人員:「叫啫, 無火嘅, 有就真係嚇死人咩」
註: 參加者身高, 體重 不限
商場消費滿$100, 即可參加
第4位: 「驚險飛刀」
我問工作人員:「係米我貼埋轉盤上, 你向我飛刀呀?」, 工作人員:「梗係唔係啦, 你飛, 只要你把刀飛到黐住個轉盤就得」(咁Easy咋?)
註: 參加者身高, 體重 不限
商場消費滿$100, 即可參加
同場還有2大影相呃Like位, 刀鋸美人就在空中飛人前面...如果那把大鋼刀可以真的鋸就正啦!!
另一個斑馬馬蹄發放大炮...當我扮炮彈之時, 竟然有伯伯對我大叫:「你可以射到幾遠架??」(心諗: 我扮嘢影相咋! 唔好玩我啦)
每個週末,愛力獅及企鵝都會出場跟大家打打氣, 同場有小丑及魔術師表演!
最後, 每玩一項遊戲就會得到貼紙及兩個印章, 集齊6個印章, 便可換取大大包爆谷一盒. 爆谷姐姐推介:「我哋用黃糖, 唔係用Cheap Cheap 白沙糖, 你覺唔覺好食D?」
我玩到好攰好肚餓呀! 我可唔可以食完再過來添呢?
「荒失失奇兵聖誕雜技團體驗」
日期︰即日至2017年1月2日
時間︰12:00pm-9:00pm
地點︰大角咀奧海城2期地下
備註:
商場內消費滿指定金額, 可換「體驗券」一張, 憑券可參加其中一項遊戲一次.
集齊6個指定印章, 即可換取「爆谷」一包.
大仁生活facebook
沒有留言:
張貼留言