大仁生活: 【猴棗散其實係乜】大人‧小學生食唔食得?

2016年11月1日星期二

話說上星期SY看完醫生, 西藥也吃畢兩天, 今日阿太又為他沖猴棗散...我奇怪:「猴棗散唔係BB先食嘅咩? 佢8歲嚟喎, 都仲可以食咩?」

原來阿太習慣每次SY咳+痰初起, 病癒未斷尾就會給他服用一, 至兩次猴棗散, 效果也見效.

阿太說:「吓? 乜你唔知嘅咩? 好多年都係咁喎, 你掛住寫Blog, 影 Bearbrick」(我:返工搵食呀!大佬)

阿太續說:「西藥好散, 梗係要食返D中藥調理一下, 你睇下佢有猴子棗、製半夏、陳皮、茯苓、同黨參，幾潤又清熱, 幾好呀! 我有時有痰都會食佢呢!」

我一直都以為BB先食得, 我:「咁如果你咁老都食得, 小學生都一定食得啦. 我見張說明書寫一歲BB食兩樽, 以為只係BB先食得」(阿太:你就老!)

SY:「係呀! 一歲以下就食一樽, 所以我好耐之前己經食兩樽啦, 加小小水, 拌勻啲粉」

我問阿囝:「好嘢喎...中藥你又唔怕苦」, SY:「梗係啦, 食咗好多好多好多次啦, 次次食完之後幾日, 媽媽就買返雪糕我食架啦」

「猴棗」其實是猴子的膽石, 除痰定驚, 有痰有咳食真的不錯. SY:「爸爸! 你都飲啦, 之後媽媽就有雪糕畀你食啦」(我:我想要隻Bearbrick多啲囉)

大仁生活