【8折三日】麵包舖嘆攪鬼甜品~蝦蛟‧燒賣‧大熊掌 @ A La Bakery

九龍灣有一間靚靚麵包店新開張, 心想:「都無咩特別啦...不過...唔係喎, 頭三日所有嘢食做8折, 有D攪鬼甜品, 仲有位可以坐低慢慢食, 真係無理由唔試吓佢呀?」

原來, 這裡就是蔡和平開的第三間分店. 今日更加有幸踫都蔡生!!

蔡老闆正在整理牛角包:「我最鍾意食牛角包, 所以就特別做$6.5優惠畀街坊試吓味, 我哋D材料真係100%法國進口架」

今日, 我暫時未有興趣試麵包, 因為我的心一早被搶眼甜品吸引住.

扮成 「蝦蛟」, 「燒賣」原個蒸籠上枱的甜品 ($48), 像真度超班, 原來「燒賣」真身是熱情果芝士蛋糕, 「蝦蛟」則是荔枝奶凍.

「燒賣」似鳳仙雪條的皮, 微微酸的芝士味, 感覺荔枝「蝦蛟」清新又輕甜, 合我口味多一點.

A La Garden ($75) 真的十足十小盆栽一樣, 就連紅色的飛舞中的小蝴蝶也可以放入口...(微微甜的威化製成的)

石頭是Brownie小蛋糕, 底部以雜莓慕斯扮的「泥」非常醒神, 不過, 以開心果蛋糕飾演的硬硬脆脆綠色青苔, 則扮演硬青苔一角非常稱職. 真的「脆岳岳」得緊要.

熊出沒注意 ($58), 我跟店員說:「乜唔係史樂比隻腳嚟咩?」

本來這個榛子朱古力蛋糕心太軟, 但因為我們左影又影的原故, 「心太軟　心太軟...根本沒那麼堅強」

可惜, 現在堅強得已經不流心, 有點後悔應該一早切開她來影片先啦. 熊掌味道, 質感也很不錯...最好食的小腳印.

最後的奇味蛋($58)絶對Crossover的經典, 芝士蛋糕x皮蛋...真的有人將皮蛋變甜品?

你說是不是很強的皮蛋味呢? 其實不是. 但吞嚥後有微微回甘, 不說可能未必知道是皮蛋...如果, 切開朱古力芝士蛋糕有半隻皮蛋「浪下浪下」, 效果應該會更好玩.

麵包店可以有咖啡, 花茶Hea住慢慢坐, 就簡簡單單買一個$6.5的香噴噴的牛角包, 感受一下外國小店風情, 店員又不會趕你走, 悠悠閒懶洋洋也很不錯.

A La Bakery
香港九龍牛頭角道77號淘大商場一期地下G113號舖
電話：2121 1118


大仁生活facebook