網頁

2016年10月6日 星期四

【米奇Vs馬卡龍】另類鳳梨酥Battle @ 當「燒餅」遇上「五色酥」

經常吃傳統鳳梨酥, 心血來潮問九里香Vico:「其實鳳梨酥係唔係嚟嚟去去都係得食開嗰D? 台灣咁大, 有冇D另類嘅鳳梨酥介紹吓我呢?


Vico想也不用想, 即時回答:「真係有喎, 啱啱有兩個客叫我搵兩款另類鳳梨酥, 我有叫多咗幾盒呀...要唔要留畀你試吓?(梗係要啦)


超正燒餅鳳梨酥, 好食到不能停口!  一打開鳳梨酥, 我忍不住大叫:「嘩!咁鬼香嘅? 真係好似縮水燒餅仔喎! 十足十平時上海菜館食到嘅肉鬆燒餅Vico:「芝麻真係好香架」


燒餅上滿佈芝麻粒, 切開鳳梨酥, 餡料是經過處理的鳳梨餡, 雖然沒有一絲絲的土鳳梨, SY大讚:「好攪笑呀! 好似手卷咁, 好得意」


外層是燒餅餅皮, 再一層一層的搭上鳳梨餡, 層次豐富的口感, 回味無窮!


Vico:E個米奇老鼠版本, 係台灣機場限定, 本來個客叫我搵燒餅鳳梨酥, 我都未聽過, 後來問當地人, 原來就係台南關廟, 所以就返咗E, 我都係第一次食, 真係好正, 好香」



非常好味道, 而且鬆脆外皮, 與鳳梨的煙煙韌韌, 簡直一次過滿足兩個願望, SY:「係呀! 係呀! 佢係我個口爆晒出嚟, 好好食, (爆晒都好食?), 我個口細啫」


機場限定-Disney燒餅鳳梨酥(昇恆昌)
$158 (6) ★★★★★


當初一聽到馬卡龍鳳梨酥之時, 心想:「嘩! 咁米甜上加甜...食唔食得到架?, 一看到實物, 黑色禮盒配彩色點點的外盒...


原來賣相是傳統長方形, 而不是圓形馬卡龍喎. 如果是圓形可能更Eye Catching. 五款口味各兩粒, 包括玫瑰味、意大利朱古力(濃度75%)、抹茶、台灣土鳳梨、蛋黃. 顏色當然完勝對手.


內餡雖然是土鳳梨, 但沒有屬於天然酸的種類, 牛油皮是紮紮實實, 而且鳳梨纖維絲比較弱, 有點失望.


我問SY你想吃那一款?  他想也不想:「梗係朱古力啦...(其實我問都多餘), 切開馬卡酥已感到外皮有點厚, 雖然不太油膩, 不過牛油皮不夠鬆.


朱古力大使自然反應便答:「朱古力好食吖!(你係麻木朱古力痴, 不能作準), 而我吃的抹茶則皮厚, 沒有抹茶的甘苦, 很難才嚐得半點茶味, 「無回甘, 只有甜, D失望」


阿太挑戰天然花瓣做成的玫瑰味:「嘩!藥水嚟架...少女應該會呃到嘅」(我都好怕玫瑰味食品架)


而最驚喜的一定是蛋黃, 因為帶微微鹹度的蛋黃, 混入鳳梨酥內, 一甜一鹹是難得我與阿太共同一致讚賞的口味.


川布本舖馬卡酥
$148 (10)★★✩✩


九里香台灣食品店
地址:旺角銀城廣場地庫E05
電話:3488 9140/ WhatsApp : 6348 9829



大仁生活facebook



沒有留言:

張貼留言