【爆醬芝士流晒出嚟!!】 Tiffany blue漢堡!! 靚靚靚 @ 荃灣

上星期日, 阿太給我看何嘉麗FB:「嘉嘉去咗荃灣食E間漢堡包, 好似好正咁喎」, 可惜當日我忙於買香印及晴王青提, 沒有時間過荃灣, 於是改了今晚去嘆漢堡.

果然, 荃灣食街「荃興徑」久不久便有新意思, 這間只有15個坐位的漢堡包店, 原來剛剛2個月前才開業.

SY:「點解個漢堡包藍色嘅?」, 店員說:「Tiffany blue爆芝流心雞排漢堡 ($38單點/ $88套餐) 啱啱新開幾日咋」

我說:「好靚喎, Tiffany blue好搶眼呀」,SY扮醒目的答:「爸爸! 你好鍾意咩? 我都識用D藍色顏色油咗個包, 再焗比你食架」(吓? 我真係食, 你應該無咗個爸爸囉)

個仁覺得單點會更抵, 可能自己對薯條麻麻地, 雖然這裡的薯條炸得非常不錯. 不過, 藍色的漢堡不單靚, 而且更有內涵.

那塊炸雞扒一切開, 不得了! 芝士+蛋汁似忌廉湯的流出來, 太澎湃, 太可愛...SY:「哈! 哈! 哈! 真係咁得意喎...咁多芝士流出嚟...哈哈」

原來炸雞扒也可以炸到雞肉一難也不韌,  可能是即叫即炸的原故, 又有蛋汁又有芝士, 所以雞肉很惹味, Juicy!!Juicy!!

之後再來一隻超巨大! ~ 雙重溶岩芝士熱狗 $58, 這個則沒有套餐, 但那入味的香腸的長度, 足足有我的400%Bearbrick的身高呀!

跟流心雞扒一樣, 熱狗也是舖滿厚厚的 Cheddar 及 Mozzarella芝士, 我:「好香芝士味呀! 如果我唔係左影右影, 應該仲可以拉芝」

SY:「係囉! D芝士變咗一塊嘢...不過仲好好」, 我:「係呀! 條腸又唔會太鹹, 不過如果個包可以烘一烘, 再塗D牛油就先係最正囉」

我一邊食「黑椒蜜糖雞翼 $48/6件」, 一邊問SY:「雞翼好唔好食呀?」, SY答:「梗係好食啦, 因為有我同爸爸都鍾意嘅Honey吖麻」(Yes!! 夠晒多Honey, 一D都無慳D啦Honey)

最後我問店員:「你哋牆上D裝飾有冇意思架? 真係鎖匙同叉電插蘇嚟?」, 店員:「老闆娘話係玩幾何圖案, D嘢當然係假嘅」

我:「勁喎...你老闆娘仲可以收埋咁多錄影帶, 不過, 我最想知D鎖匙係米台慶送大禮一樣, 開到個大門就有大獎呢?」

Burger Jobs
地址：荃灣荃興徑 2-8 號昌泰大廈地下 7A 舖
營業時間：12nn-10pm


大仁生活facebook