【平靚正!! 撐小店】即炸Shake Shake雞翼~勁好食 @ 天后

上星期經過天后, 為了換布甸狗公仔給SY, 於是一個人走到二樓的麥記吃下午茶. 無聊往下一望...嘩!對面的小店很有氣氛喎.

外賣店的小小外牆, 有靚靚卡比獸, 精靈球塗鴉, 好有渡假Feel, 好醒神.

第二日, 我當然要帶同迷戀任職精靈訓練員的SY去小店食串燒啦! 阿囝一見比獸眼即時大叫:「嘩! 卡比獸眼瞓都食熱狗喎」

我問店員Mike:「你哋新開架? 好靚喎你哋幅牆」, Mike:「我哋開咗4個月, 幅牆就係中秋之後叫朋友幫手畫, 都畫咗成個通宵」

(係米真係有精靈球串燒食呀?) Mike:「暫時未有, 不過E家做緊買5送一囉」

今日, 我點了茄子($12), 雞軟骨($10), 雞翼($10), 司華力腸($12), 及阿Mike推介的順化豬肉($12)

以天后的價錢, 這裡的賣價絶對「大食夾抵件」,  我覺得醬汁比串燒更吸引, 阿Mike:「係呀! 我哋自己溝出嚟嘅, 沙茶醬, 蝦膏, 花生醬, 泰國豉油」(唔怪之後咁夠味!)

之後再來大大隻熱狗 ($16),  我:「可唔可以幫我落多D牛油 (Mike:好呀), 之前有冇人咁麻煩要求呢?」, Mike:「咁又暫時未有」.

雖然, 熱狗只跟普通的肉腸, 但我再加了雙重芝士($4), 加上茄汁及介苿前, 會放在爐焗加熱數分鐘, 所以$20有如此享受, 簡直抵到爛.

阿Mike:「要唔要試下我哋最好賣嘅Shake Shake雞翼? 辣粉最受歡迎, 不過你有小朋友可以揀咖哩粉, 或者蒜粉」(係呀! 蒜粉啦, 佢唔食得辣)

原來, Shake Shake單骨雞翼一日最少賣出300-400磅, Mike:「因為附近有好多學生仔幫襯呀!」

SY很高興的Shake雞翼, 不過他問:「Shake嚟做咩? (可以好食D)」於是小朋友便很出力的Shake Shake Shake.

受歡迎一定有原因, 其實雞翼已經入味, 即使不加入Shake Shake粉一樣香口, Shake Shake一定是吸引學生有得食, 有得過手癮的原因吧.

一口一啖, 方便到不得了, 而且$25有十隻, 可以說平通全天后, 主打學生生意, 好食又平, 一定會贏.

對面有間歷史悠久的雞蛋仔店, 一底雞蛋仔都要索價$20, 阿太:「所以, E度賣咁平, 真係抵, 不過唔知佢哋點維皮就真」

價錢平就以量取勝吧, 小店有良心, 一定要撐!! (希望阿Mike個業主約滿之後, 都一樣有良心啦!!)


為您而煮(Cook For You)
天后銀幕街15-17號地下A2 B舖
52122281


大仁生活facebook