網頁

2016年10月12日 星期三

【日本奇跡甜點】 小樽 No.1 ~ 神奇雙層芝士Cake ~ 貴價登場

去年平安夜為買Tokyo Milk Cheese Factory 芝士蛋糕, 要晨早到上環, 60分鐘排隊; 今日, 北海道名牌LeTAO ifc 開店, 帶著「日本必吃甜點」冠軍之名, 竟然不用排隊.


高峰期, Milk Factory 抹茶蛋糕賣$220一個, 半年後, 上環總店結業,  Pop-Up-Store可以$300套餐連20片曲奇所以, 難怪LeTAO芝士蛋糕高企$220, 開業首周貨源仍然不絶.


我問店員:「曲奇餅有冇得試食呢?, 店員答:「因為唔夠人手, 所以暫時只係得朱古力脆片($168/8)可以試」



有著數, 我當然不會錯過, 「白朱古力莓果脆片」較「朱古力杏仁脆片」更好食, 因為後者只有甜, 而前者有莓帶少少酸中和了甜度.



阿太:「上次老闆送了盒神戶朱古力士多啤梨畀我, 好正, 不如今次買Petit Chocolat白朱古力士多啤梨 ($108 )比較一下啦」



拿回家打開一看, 阿太即投訴:「嘩! 細粒咁多嘅?,我一邊切開朱古力一邊說:「好似幾硬喎, 不過你睇, 入面真係有粒士多啤梨喎」



大家也將朱古力放了入口, 先會感受到士多啤梨的酸, 繼而朱古力的甜就慢慢出來...



阿太繼續依依哦哦:「真係差好遠, 又無士多啤梨味, 又唔夠香, 真係平嘢無好嘢...($108都話平?), 神戶嗰盒好似仲貴$20



之後主角登場了...登登登凳!! 被形容為有初雪感覺的 – DOUBLE FROMAGE芝士蛋糕. SY:「爸爸!真係同上環嗰間一模一樣喎」



我本來也以為一樣, 但當我一落刀...即時發現不同:E~佢面層咁軟嘅, 真係好似切緊一陣風一樣」



原來, 面層是雪滑的半熟乳酪部份, SY:「佢甜過上環嗰間架...」我:「佢下層烘焙的芝士部份就有芝士味, 不過唔係好濃, 牛奶味仲重D



LeTAO的對比較強, 但芝士味則Milk Factory出一點. 阿太:E個好食D, 佢上面嗰層真係好特別, 好幼滑, 好好食」



手痕的我上網找一找:「嘩! 原來去日本買只係¥1,620, 唔掛得知佢可以係ifc開舖啦」, 阿太答:「車! 日本買杯緣子700日圓, 香港都賣$70, 預咗人哋要賺啦」



唯有等減價再食第二次啦...最後, 今次我們同時買了芝士夾餅 $88/9, 我問SY:「好唔好食呀!


SY:「米同上環嗰間一樣囉, 不過佢係圓形之麻」對手有海鹽/蜂蜜/松露味, 但這裡只有一種選擇.



如果, 結我再選擇, 可能我會買「朱古力脆片」而放棄曲奇, 因為曲奇過去一年在Milk Factory 吃得太多了. SY:「係囉! 下次買蛋糕嗰陣, 買埋囉」(咁等你生日先啦, 6吋蛋糕E個價錢都幾貴)



LeTAO
地址:中環ifc第一層 1033 號舖
電話:2465 7203
營業時間:10:30am-8:30pm


大仁生活facebook

沒有留言:

張貼留言