【熊大妹妹駕到】Choco 帶你食 Line 雪條 @ 朗豪坊

CHOCO帶了大量Line Friends食物來朗豪坊做見面禮!! Cute到爆呀!

我最初以為CHOCO是「熊大」的女朋友, 但朋友說:「佢係熊大妹妹, CHOCO個男朋友仔係隻熊貓叫Pangyo」(吓?? 熊人同熊貓拍拖?)

對一個不是Line粉絲的仁來說, CHOCO和BROWN分別只是頭上多了一個蝴蝶結. 但同場的FANS答:「有冇攪錯呀? 妹妹D膚色淺咁多」

以往朗豪坊4樓的佈置會與Pop-Up-Store分開, 今次放了在一起, 但勝在顏色搭救, 特別是CHOCO的粉紅色房間, 好靚!!

我:「點解有張化妝台係度呢?」Line粉朋友答:「你唔知CHOCO係潮流教主嚟咩? 咁梗係要扮靚D啦」

現場有大量CHOCO做封面的雜誌, 原來其中一本是真有其書的, 只要用官方Apps, 向正雜誌一掃, AR CHOCO即時會行CAT-WALK.

如果, 今次有真‧CHOCO出場抱抱就好, 可惜新角色仍未可以登場舉辦見面會, 唯有跟大公仔Seflie就算啦.

而今次展覽, 最吸引, 最賣點, (可能我為食), CHOCO房間後面Food Stall.

全部印滿Line Friends造型的朱古力, 曲奇, 爆谷等等, 移形換影曲奇餅 ($140), 好好玩... SY看到相大叫:「爸爸, 你又亂咁攪人哋D嘢呀?」(玩吓啫!)

而三款LINE FRIENDS雪條, 絶對是必食($40), 分別是朱古力熊大,  雲尼拿兔兔 , 芒果Sally . 芒果味濃, 又有果肉, 果然顏色夠搶又好食.

我的食雪條相被SY看到, 他不滿說:「點解你有得食, 我無??(我: 10月中先公開賣, 到時我買齊三款給你), 唔駛啦, 我淨係要熊大就得」(係喎, 你只係鍾意朱古力喎)

【CHOCO HOUSE @ LANGHAM PLACE】
日期： 2016年10月1日至10月31日
時間： 上午11時至晚上11時
地點： 朗豪坊4樓通天廣場


大仁生活facebook