【即開即食】懶人芒果糯米飯~隨時食

話說前日經過九龍城, 又去豆姨姨買Big Cup椰青波, Eric:「上次你有冇試過新返嘅即食糯米飯呀? 本來有6隻味, 不過豆同龍眼味就賣晒」

一提起芒果糯米飯, 即時想起葵芳「泰Magic」的心心糯米飯, 好食到不得了, 於是便買了一款芒果給SY, 一款榴槤給阿太.

我問Eric:「咁D芒果, 同椰汁駛唔駛整熱佢?」, Eric:「全部已經溝晒入D糯米飯度, 唔駛整呀, 所以一開就食得」

打開密封包裝, 真的似十足公仔點心迷你糯米雞, 不過, 超濃椰汁香味.

原來說好的芒果肉, 榴槤肉不是舖在飯上, 而是一早釀了在飯的中間. SY:「邊個係榴槤, 我好驚食錯呀」

我兩個也放近鼻邊嗅一嗅:「嘩! 一聞就聞到榴槤味, 真係好臭喎」

不過, 咬一口的話, 榴槤肉只帶少少榴槤的臭腳味, 我:「其實, 榴槤同芒果肉都無乜味, 不過質感榴槤會好一點」

阿太:「你個芒果直情似十足糯米雞中間粒鹹蛋黃一樣, 不過係無味嘅」

SY:「如果個飯少D椰汁就仲好」, 我:「唔係喎, 我鍾意佢多椰, 一開就揸住個密封袋食, 最啱我E啲懶仁」, 阿太:「你幾十歲唔好食咁多糯米, 好滯嘅...阿囝飲D熱水啦」

雖然, 即食糯米飯水準不及泰國餐廳, 不過勝在夠方便, 行街又食得, 煲劇又食得, 即開即食都好有賣點吖!

即食糯米飯$23

豆姨姨泰國新鮮雜貨
地址/九龍城賈炳達道61號地下
電話/9629 9172


大仁生活facebook