【「龍」「膽」孖寶】 黃婉曼主理~勁正法包 @ 築地 ‧ 山貴水產市場

近期迷上海膽, 因為那份滿足又濕潤的層次, 帶鮮且甜略澀, 一啖放入口非常開心. 昨日去了灣仔‧築地, 我就第一時間被那個模仿海膽造形的海膽法包所吸引.

同行的魚子媽說:「哦! 嗰間係黃婉曼開架囉, 我想試佢個法包夾原隻波士頓龍蝦多D喎...」, 可惜, 我對龍蝦不太喜好...而魚子媽與子子又在「浜燒區」排隊, 所以, 只有我一人走去找黃婉曼.

(係米只係得兩款包呢?) Icy:「啱啱新開張就只有E兩款, 做好E兩款先, 之後就再推出其他款囉」

(咁你鍾意食邊一款呢?) Icy:「我當然要話兩款我都鍾意啦, 龍蝦我哋真係用原隻龍蝦, 即燒即拆肉; 海膽包就用歐洲墨魚汁做成嘅法包, 你想試邊一款呢?」

我:「我想食海膽, 因為佢扮到成隻海膽咁, 好過癮」Icy:「我哋用咗半板加拿大海膽, 醬汁都係用海膽打成架, 所以$68都無乜點賺」

原來海膽配法包, 感覺又較配手卷的米飯更夾, 更吸引, 可能麵包質感較軟, 襯上又鮮又甜的海膽, 好像更出神入化.

海膽與法包中間夾了由海膽打成的忌廉醬汁, 雖然味道淡淡的, 但剛剛好中和了麵包的煙韌, 還夾了少量三文魚籽, 及沙律菜...好好食.

魚子媽問:「咁$68蚊又都算抵喎, 因為佢個龍蝦包要$168」, 我答:「$98蚊都抵啦, 有黃婉曼吖麻~嘻嘻!」

RISE @ 築地• 山貴水產市場
灣仔灣仔碼頭2樓



大仁生活facebook