2016年10月11日 星期二

【去咗日本一樣】關西大排檔搬咗嚟大坑 @ 角打屋台

朋友說大坑開了一間日本大排檔, 好有氣氛, 值得一試. 「日本屋台」一定好好玩, 即晚便一家三口走入大坑食大排檔.


這家大排檔不近大街, 位置就在豪宅「尚巒」旁邊, 暗暗的大坑, 就只有這裡燈火通明, 阿太:「嘩!成個區都死寂, 只有E度人山人海, 果然人人都鍾意日本嘢」


幸好預早訂了位, 否則還要等位. 我問老闆:E度真係好有日本Feel喎」, Gary:「因為我哋同關西一個屋台老闆好熟, 所以就向佢哋取經, 希望將日本文化介紹畀香港囉」



「角打」有立食的意思, 這裡有一後巷可以做得到...但以我懶惰的性格, 當然揀室內啦!!




SY很好奇地問:「佢哋無窗架, 咁奇怪」, 店外拉出透明大膠布, 夠貼地, 夠簡約, Raw. 



昏黃的燈光, 日字食材掛牌, 彷日式的裝修, 日系音樂配上店員, 及廚師偶爾大叫いらっしゃいませ, 氣氛很日本風情話...


今晚鄰坐也遇上日藉食客以日語說說笑笑對話, 那簡直跟日本新宿火車橋底的大排檔感覺一模一樣啦.



SY望著師傅炸天婦羅, 很興奮的說:「嘩!霹靂啪啦架..., 眼見師傅先將食材浸沒在粉漿內, 再放入181度大油鍋, 單單看也口水流.



海鰻($32),  露筍($18), 冬菇($12), 蓮藕($12), 聞說粉漿也是關西配方, 即叫即炸, 粉漿夠薄很清很酥脆很香口.


炸後的蘆筍保持爽口, 冬菇則仍然充滿鮮味, 可能我自己調的天汁實在太出色, 真的很好食...



Gary推介:「今日你一定要試火灸吞拿魚頭頂肉($88), 同秋刀魚刺身($88), 廚師推介嚟, (:當然信專家啦, 不過火燒頭頂肉, 會唔會嘥咗D), 唔會, 燒一燒啫, 好食好多」


果然, 驚喜就在這份廚師推介, 肉嫩彈牙, 又鮮又滑, 肥美又帶滿足到笑的油脂, 連扮專家的SY也直豎母指大叫:「好好食, 好食過炸鰻魚好多呀」



之後, 我們繼續Encore天婦羅舞茸($48), 粟米芯 ($12). 一提起「舞茸」, 自然反應就想到米雪 苗橋偉的廣告.



炸得外脆內仍留有多汁的舞茸, 我問SY:「食完有冇想跳舞? (SY:點解?), 因為D日本人食完會跳舞, 所以叫舞茸囉」(不過, 我問也多餘, 因為阿囝一日16小時都坐唔定啦)


沒有想到又抵又驚喜的竟然是炸吉列蠔($18), 就連不愛吃蠔的阿太, 對這肉嫩又厚又鮮甜, 一點腥味也沒有的蠔也讚不絶口.



阿太:「呀~真係得喎, 又鮮又多汁呀! $9蚊一隻, 真係抵到爛」, 環境又正, 食物又得, 如果新張期間有折就更加好啦!!



角打屋台
地址: 大坑施弼街12-13號地下B號舖
電話: 25042777




大仁生活facebook

沒有留言:

張貼留言