今日下午, 正當我在研究「辻利茶鋪」iFC店何時開張之際, 魚子媽通知我:「沙田有間新開京都直營抹茶店喎,
嚟唔嚟呀?」(抹茶店喎, 梗係嚟啦)
魚子媽續說:「不過, 你唔好期望太高喎, 佢喺商場通道外賣檔, 我等埋你嚟先一齊買啦」,
我:「有得食就得啦」. 於是便9秒9由中環飛過沙田.
當我們抵逹抹茶店, 我即時問店員:「你哋閂門啦? 個雪櫃無晒嘢嘅?」, 店員笑笑回應:「我哋新開第二日咋, 所以雪櫃啲Puff, 同蛋糕仲未返, 我哋D食物全部日日新鮮日本返架」
一行6人浩浩蕩蕩揀大福, 全店有6款大福, 一款蕨餅, 2款小丸子.
魚子媽建議:「唔好食小丸子呀, 無味嘅」, 店員說:「三色團子, 紅色, 綠色會帶少少味道」(因為三色小丸子一定要買孖裝,
所以都最終放棄)
這裡的大福全部$25, 但蕨餅一盒則$50, 店員:「因為我哋一盒有200g , 好好食, 連我個女都鍾意, 我靜雞雞畀多咗11g 你哋啦, 唔好話畀老細知」
華御結的蕨餅售價$20, 按比例來計, 這裡的份量抵食一點. 如果可以有100g選擇就更好. (最好學中村藤吉, 附上黑蜜, 抹茶蜜就更加Very Good)
較糯米更易咬, 柔軟又有彈性的蕨餅, 連小朋友一食也上癮, 子子跟SY不停你一粒, 我一粒, 大人們辛苦的才能霸得一口.
店員向客人解釋:「蕨餅就好似大菜糕咁嘅口感囉」, 應該沒有大菜糕的爽, 換來人吃人愛的軟韌, 如果抹茶味可以更濃一點就更令仁滿足.
原來大福也有2種分別, 我:「外面包實紅豆, 裡面係糯米都有喎」, 魚子媽:「餡包在外的叫萩餅, 日文叫:おはぎ」
對於不太愛吃紅豆的仁, 今日最愛獨立包裝的抹茶大福,
SY:「入面係忌廉嚟呀! 好食呀...不過好韌喎, 爸爸, 我食剩少少留返比你食啦」(你對我真係, 「妹」剩一啖唔夠, 佈滿牙齒印嘅畀我...多謝你喎)
有粒大粟子的大福, 當我們一切開...魚子媽:「哎呀! 我仲以為個餡都係粟子蓉添,
原來又係紅豆」(係囉, 反而櫻花一粒粒糯米做皮, 仲得意)
極少出鏡的魚子爸:「紅豆萩餅, 比較少紅豆, 糯米多好多, 鹹鹹地, 我覺得最好食」, 我:「係喎...糯米多D真係好食D喎, 如果個皮轉埋做抹茶之類仲好」
魚子媽:「好甜...3個月唔想再食紅豆嘢」, 我跟店員說:「 如果你哋有熱茶供應就好啦」, 店員:「賣咁平仲要有茶畀, 我哋真係蝕囉」, 有杯小小的熱茶, 貼心又會更加加分啦.
清水一芳園
沙田連城廣場零售層K1 (衛訊電訊側)
大仁生活facebook
沒有留言:
張貼留言