2016年10月30日 星期日

【唔駛飛日本】8款樂天LOTTE雪糕,邊款最好食 @ 7-Eleven

7仔又玩日本直送, 一口氣獨家將LOTTE八款口味雪糕, 全部運過來香港, 「經典」四款+「特選」四款口味.


阿太:「你去食雪糕咁鬼好...最衰又攞唔到返屋企, 咁你試清楚邊款好食, 邊款難食, 下次去7仔就識買, 同避咗唔好買返嚟喇」!


試食仁報告如下:

四款水果雪糕主打雪葩質感, 必食蘋果味, 7-11姐姐:「真係呀! 我哋所有人試完, 都係一致覺得富士蘋果, 最好食」對呀! 超清新~8款之中必賣之選.
★★★★★


冧酒提子, 及巨峰提子同樣非常酒感, 同行朋友:「我鍾意冧酒有少少提子乾, 不過酒味搶咗D」我就愛後者很水果, 甜得很開心!
★★★★



芒果味道....比較遜色, 可能我自己一向不愛吃芒果味雪糕, 即是睇開蘋果, 夾硬要我睇東方... ★★✰✰✰


在經典口味之的四款口味當中, 最最最有意思, 又好味道, 非宇治抹茶莫屬, 又有雪糕的甜, 亦帶回甘的茶香. 推介到死啦!★★★★★



雲尼拿味最特別可食到微微雲尼拿籽, 好有奶味, 但略嫌平平淡淡了少少. ★★★✰✰


我很少吃朱古力味雪糕, SY的朱古力怪一定鍾意, 可惜我覺得朱古力味太死板, 味道夠濃, 不過吸引不到我! ★★✰✰✰




士多啤梨雪糕反而充滿了士多啤梨籽, 好在沒有藥水的假士多啤梨味, 合格分數, 沒有驚喜  ★★★✰✰



售價:$20/ 杯
售賣點:7-ELEVEN
11月2日正式出街!!

大仁生活facebook

沒有留言:

張貼留言