【隔離飯香】布甸狗襲地球 @ 7-Eleven

正當我以為只有我家的SY「切勿放棄治療」他的布甸狗病之際, 原來, 我身邊有不少人也中了布甸毒喎!!

即將嫁到台灣的Onki上星期問我:「台灣7-11 換布甸狗嘢喎, 你要唔要換畀SY呀?」

看一看台灣 7-11 官網, 果然「隔離飯特別香」, 又有夜光床頭燈,  又有太陽能搖頭公仔, 仲有立體剪刀, 真心靚過又實用過香港款式喎.

當然, 最後每款都換一隻啦...今日便立刻人肉速遞到港, 效率一流.

回到家,  SY一見到禮物就問:「乜麥當勞有咁多布甸換嘅?」, 我答:「唔係呀! E啲係姐姐係台灣7-11換畀你架」

SY:「嘩! 好大個布布呀! (我:燈嚟架), 係咩? 但係開唔到嘅?」, 我遞上尿袋答:「佢係USB燈嚟」

小小立體剪刀布布, 自己覺得如果有一系列 間尺, 筆盒就更加好啦!!

SY拿著USB燈照著 搖頭布布說:「點解唔搖嘅」, 可能夜燈亮度不足, 我遞上開了電筒的手機給他,  不消一秒, 布甸雙耳搖過不停.

有人更加有樣學樣齊齊扮搖耳仔, SY:「爸爸! 我扮得似唔似呀?」,我答:「你似扮緊一個傻佬囉」

台灣7-11 X Sanrio 布甸狗
USB 夜燈 $180
太陽能搖頭公仔/立體剪刀 $60/個
https://www.instagram.com/lovetw_hk/


大仁生活facebook