基於當晚太飽, 而有小朋友又指明要食凍豆花, (最怕凍豆花)...於是今日放假, 我們專誠再來試食可以見真彰的熱豆花.
今日中午再到現場, 果然和當晚一樣, 人龍長長的就只有「贊和豆品」, 而旁邊的「亞玉豆腐花」則依舊小貓三, 四位.
SY指著「贊和」的宣傳語句「堅持現場新鮮製造‧拒絶平價工場交貨」問:「爸爸! 咩意思??」(其實係米影射緊某D舖頭呢? 我都唔係好明喎)
「贊和」有8款豆腐花, 全部一律$5, 我選擇最清熱, 最潤的薏米白果豆花, 心諗:「買原味D人就真係蝕底, 大家都係$5」
當我取過豆花, 黃糖怪一手便為我注入一大匙黃糖....嘩! 小朋友, 會不會太甜呀??
之後, 我們走到旁邊的「亞玉」買了一碗$8的芝麻豆腐花, SY:「哦! 爸爸, 我知啦...原來唔係全部都賣$5,
只係原味咋, 唔掛之得無乜人買啦」
到了最重要的試食環節, SY表示:「「贊和」滑好多喎!!」, 當然, 如此重任, 我也要親自出馬啦...
結果, 「贊和」不單比較滑, 而且薏米白果加入豆花更加好食, 而「亞玉」則沒有這款選擇.
其實, 「亞玉」的豆花只有原味,
黑豆, 芝麻, 紅豆四款, 選擇已經少, 就連芝麻也似開粉的感覺.
此時, 有街坊聽到我們對話, 便贈了我兩句:「梗係「贊和」滑D啦, 開咗咁多年, 隔離嗰間都係無乜人幫襯, 我就好耐都無食佢啦」
說時遲, SY又到「贊和」排隊, 他說:「我都係鍾意食凍嘅, 凍先似甜品吖麻」, 八卦仁又問店員:「5蚊會做到幾時呀?」, 店員回答:「未知! 」
希望做長少少啦.
正當我在想:「$5一碗雙併豆腐花, 真係抵到爛」之時, SY對我說:「爸爸! 原來佢哋即係我哋街口(弼街)嗰間一豆花嚟呀!」
我答:「奇怪喎...街口一豆花要賣$12一碗雙併, 點解荃灣E間之前正價都係賣$8, 果然有對手, 火藥味都重D喎」
贊和豆品 ~ 荃灣荃興徑6號昌泰大廈地下5A舖
大仁生活facebook
沒有留言:
張貼留言