自從灣仔碼頭搬新位置後, 我也再沒有由尖沙咀坐小輪過來.
估不到原來築地正正就是在天星碼頭樓上. 攻略1) 要方便記得一定要坐天星小輪啦!
5區中最大, 最開揚, 最有靚景的一定是位於市場最入的「立食壽司」區.
魚子媽問我:「其實, 我哋可以外賣其他區域的食物過來E度食, 咁米一樣有靚景囉」(係喎!)
於是我到其他區域查詢一下, 店員回答:「唔好意思, 係唔可以嘅」(乜咁唔識變通架?)
攻略2) 「立食」區可以有BB凳, 先揀選後進食, 離開前才結帳. 但不可以將其他區域食物帶入嚟食
當日, 我們點選了壽司盛SetA
($148), 及 SetF($88), 我聽到旁邊有客人問店員:「我哋點咗大鮪魚腩, 點解同中鮪魚腩Size一樣嘅?」
正在忙於握壽司的師傅答:「唔係Size大咗, 係脂肪比大咗咋」
不知是否有靚海景相伴, 即使滲出水的三文魚子,
感覺仍然鮮甜, 飽滿！不過因為子子年紀太細,
不能吃太多刺身, 於是我們便轉場到「浜燒區」食燒物.
燒物區需要排隊輪候, 大約耗時15分鐘, 期間我帶了子子去感受真‧蟹, 真‧龍蝦. 子子:「佢哋真係會有郁架, 我驚佢哋會咬我」
我:「唔駛驚, 佢哋D鉗都被人紮住晒」, 子子:「點解隻蟹唔郁呢?」, 我:「可能佢D腳都凍到唔識郁」
攻略3) 三大堂食區域均需要獨立排隊, 所以, 如果發現那一區沒有人龍就直入該區就最著數.
攻略4) 即點即燒的「浜燒區」,
揀選坐在師傳燒烤爐的座位會比較著數, 因為可以欣賞大廚燒功.
我們點了燒「阿拉斯加蟹腳一隻($198)」, 可能我對龍蝦與蟹也不感十興趣, 所以覺得味道不是十分出色.
魚子媽:「真係燒過D蟹太乾身, 可能燒都唔係太適合, 好似好嘥咁」
不過, 反而在沒有期望下, 燒日本蕃薯仔($38)非常好味道, 外暖內甜, 軟而糯的質感非常誘惑, 細細粒, 一口一啖, 超值. 攻略5) 燒蕃薯當甜品一流.
之後, 我們又走過對面「海鮮丼區」,
這範圍也有少少海景, 是向會展位置, 聊勝於無啦...風景一定不及立食區的壯觀.
我們被編排坐在師傳工作枱位置前, 心諗:「都好啦..可以影過夠」
我們點了七色海鮮丼$238 配森半宇治抹茶(凍) $30, 店員建議:「你哋可以先用紫菜包手卷, 之後就可以就咁食丼飯, 食剩最後三份一, 就可以問我哋攞鰹魚湯, 用嚟做茶漬飯」
貪心的我又進擊店員:「我哋三個人, 但係得兩塊紫菜好似唔係好夠, 如果添少少要唔要加錢呢?」, 少少被難委的女店員:「本來無得添, 不過見你有小朋友就畀多少少你啦」(發達!)
「海鮮丼區」的刺身絶對較立食區更鮮味, 一碗丼飯可以有三種享受,
一定是賣點, 不過, 對於茶漬飯則有少少保留, 魚子媽:「醋飯變茶漬飯太過酸,
唔係好啱食」
我:「係喎, 茶漬飯好似應該唔會用壽司飯, 茶漬飯只係我老婆就鍾意, 我覺得好嘥, 可能我只係鍾意食熱辣辣嘅湯撈飯啦」
攻略6) 不用預留太多飯來造茶漬飯,
其實頗酸!
凍森半宇治抹茶~可能是我吃了3小時的唯一一杯飲品, 物以罕為讚, 似是抹茶混了雪糕的感覺,
很有趣, 好飲, 如果抹茶再甘澀一點更好.
真的慢慢食, 慢慢等, 又過了半日, 臨走前, 就在超市區發現最潮的長野縣青提$358, 勁肥美, 超澎湃, 非常貴.
魚子媽:「不如你買彩虹奇異果
($83/5粒)吖, 切開好靚好彩虹架」, 永遠認為香港買日本水果, 絶對敗家, 我這個孤寒仁, 平日買的百佳奇異果, 只是$13.99.
攻略7) 當晚到上環結志街附近街市,
竟然發現相同的信州青提只售$250, 所以日本水果未必一定要在這裡購買. (幾鬼貴)
當步出築地大門, 魚子媽:「原來18:00 就有十幾人排隊」, 我:「係囉! 等我頭先仲奇怪你點解要上網登記入場, 頭先15:00我仲想話, 一個人都無駛乜網上搶位呀! 原來放工就開始多人」
攻略8) 不想排隊, 可以自出自入, 揀選平日14:30 - 16:30 入場最著. 當然上網登記可以換來一個安心囉.
相關網誌:
【「龍」「膽」孖寶】 黃婉曼主理~勁正法包 @ 築地 ‧ 山貴水產市場
築地 • 山貴水產市場 Yamataka Seafood Market Hong Kong
灣仔灣仔碼頭2樓
網上輪候登記:http://yamataka.optitable.com/tc/
大仁生活facebook
沒有留言:
張貼留言