大窩口地膽阿Belle:「我街口間麵包舖新出咗隻紫薯撻, 你一定要嚟試, 超正, $4.5蚊雞真係無得輸」
我這位金舌頭朋友例不虛發, 所以有又抵又好食的新東西,
大窩口我又來探你啦!!
原來, 這間街坊麵包店已經開業12年, 老闆娘王太笑容滿面, 非常好人:「紫薯撻係新出咗個幾月啦, 其他兩款粟子, 芝士就出咗好耐架啦」
(三款撻邊款最好賣呢?) 王太一邊收錢一邊答:「差唔多, 不過好彩你平日嚟, 如果星期六, 日, 通常4, 5點就賣晒」(咁誇張?? 即刻返屋企試下先)
王太提醒我:「我哋新鮮整, 無防腐, 你放雪櫃最遲聽日一定要食晒呀!」
回到家, SY一見到先試一小小:「嘩! 真係紫薯呀! 好軟呀!」, 之後不停食, 食不停大叫:「好食! 好食!」
我則一大口將整個紫薯花花吸入口:「真係正喎, 薯蓉起晒沙, 天然甜, 唔會溝咗糖, 簡直就係似食緊一個軟雪糕一樣」
$4.5真的超值, 紫薯底是白色忌廉, 因為兩者味道均低甜, 所以牛油皮內有薄薄的朱古力托出回味的甜品感覺.
SY:「芝士都好得意, 似十足乳酪加麥當勞奶昔, 好好食, (我:不過質感無紫薯鬆軟, 同太搶), 所以, 粟子係第三名, 芝士第二, 紫薯第一名好食」
建議: 店舖即買即食, 因為雪櫃即時取出, 起沙的薯蓉清清涼涼, 就如嘆一杯健康軟雪糕啦!!
迷你撻各$4.5
貝嘉餅屋
荃灣街市街166號地下
2615 1123
大仁生活facebook
沒有留言:
張貼留言