去年秋電展我玩平衡車玩得不亦樂乎, 想不到如此快新一屆秋電展預覽會又來了. 今年勁推初創企業及虛擬現實展區, 有家用3D 打印、智能機械人、360 VR、 智能奶樽...相當好玩.
由3名科大生創作的智能奶樽,
其實是靠底座「Feedi Baby」測量奶瓶的重量變化,
從而便自動將資料傳送到手機App, 用來記錄BB的進食情況.
(你哋咁年輕就有小朋友?), 袁焯壕說:「其實係我其中一位拍擋有奶類敏感, 所以就諗到一齊研發E個智能奶樽, 咁BB嘅父母就可以準確掌握所有數據, 萬一BB唔舒服, 醫生都可以即時知道所有資料」
(數據改唔改得架, 因為好似我阿太, 之前阿囝食少咗奶又賴我餵得差囉) 袁焯壕說:「你可以設定帳戶權限囉,
如果工人姐姐可以設定不能更改數據, 你嘅權限就容許更改囉」
我:「好嘢喎, 你哋無「湊仔」經驗, 都設計得咁周到...」，袁焯壕說:「因為我哋聽咗好多家長意見, 先研發E個App...」(哦...原來地球上咁多父母都係為餵奶而鬧交嘅)
參展商: Bonnect (HK) Ltd. (展位：CH-A04) (智能奶樽預計訂價約$400-$500)
終於等到有本地初創企業推出家用混色3D打印機, 陳國偉說:「我哋售價將不超過一萬蚊, 而印一隻奇妙種子大約一個鐘左右」
(Printer 個價都好平, 但D墨好貴, 3D打印D墨貴唔貴架?)
陳說:「我哋唔係用墨, 係用環保合成物粟米粉做嘅叫PLA, 好平, 你淘寶都係幾十蚊一卷, 就可以打印百幾隻奇異種子啦」
我:「係米只可以打印出單色呢?」陳說:「唔係呀! 我哋混合三至四種顏色打印,
可以溝出任何彩色, 不過顏色愈多, 時間就愈來」
原來有關技術去年已經取得本港專利, 現正申請美國及內地的專利後才推出市場.
參展商：Nixtek Ltd. (展位：CH-E06)
港產「零死角」360 VR（虛擬實景）航拍機, 由羅子健團隊研發, 他說:「市面上D航拍機都係得一個鏡頭, 安裝機底, 上方影像容易被機身遮住,
就會出現死角」
(乜唔係一個360鏡頭就可以影到差唔多效果咩?)
羅:「我哋用六個鏡頭, 航拍後透過電腦運算合成影像成為一條短片，達到「零死角」而且解像度有6K, 配合VR眼鏡真係親歷其境一樣」
參展商：先龍國際有限公司(展位：CH-D01)
除秋電展, 香港國際秋季燈飾展將於本月底舉行, 有展商展示一款磁浮燈泡, 我一手搶了個燈泡:「好玩喎...但點解擺唔返上去呢?」
負責人任用特設位置墊, 一邊放回磁浮燈泡一邊說:「佢一定要放係中央位置, 過少少都懸浮唔到, 而且佢有無線感應技術控制開關」燈泡懸浮半空, 又可以360度旋轉, 真的很過癮.
參展商：友佳國際（香港）有限公司 (展位︰3B-D35)
香港秋季電子展
日期：10 月 13 日至 10 月 16 日
地點：香港會議展覽中心
大仁生活facebook
沒有留言:
張貼留言