朋友問:「帶唔帶囝囝上郵輪玩吓呀?」, 我:「嘩! 我哋暈船浪喎, 而且郵輪阿公阿婆先坐, 咁鬼悶」
朋友:「首航前預先上船參觀咋,
唔郁架, 同埋踫踫車玩, 仲有得坐吊臂360度睇晒成個西九」(嘩! 好玩喎...去去去)
原來「海洋贊禮號」足足有16層高,16.8萬噸非常巨大. 我們在碼頭上船時, SY大叫:「隻船好似一層樓咁就真...(係囉, 仲高過我哋屋企)」
上船已經是12:30, 我們先看看郵輪舉辦的頒獎禮,
之後就到夢工場主角史力加及Puss出場跳舞. YO~YO~
完場之後小朋友還可以和兩位主角合照...我都好想合照, 但工作人員嫌我太老. 慘!!
賭場一向都是嚴禁拍攝, 不過, 今次因為還未正式啟航, 所以空無一人的賭枱區, 讓我放肆大影特影...
本來SY以為老虎機是遊戲機, 不停襟襟襟, 不過一點反應也沒有, 他問:「爸爸! 玩唔到嘅? (佢都未開, 梗係玩唔到啦), 咁走啦, 食晏啦, 都無得玩」
因為, 行程太緊迫, 我們只有30分鐘食午餐, 所以即使有兒童漢堡餐,
又有大人牛扒餐, 但吃得太趕, 我也不記得味道如何.
為了迎接今日上船的高潮, 當然大家也樂意快快食食食.
因為走上300英尺高的北極星, 吸引力實在大過午餐.
從甲板望著北極星慢慢升起, 一直差不多升至垂直,
SY:「嘩! 爸爸...佢會唔會衝落嚟架, 我唔想玩啦, 我好驚呀」, (其實, 佢速度慢過蝸牛, 點駛驚呀?)
走入北極星, 我:「原來無位坐喎!」全部企位, 一邊望藍田方向船身甲板游泳池,
另一邊則可以望船尾九龍灣位置.
當北極星升至最頂點, 便慢慢左右微微轉動, 我:「我係觀塘返工咁耐, 原來俯瞰九龍東嘅View係咁鬼靚喎」
大約2分鐘左右, 北極星便緩緩而下, SY:「哎呀! 落返去啦, 我有D唔捨得呀! (我:你頭先又話驚?), 所以, 我只係有少少唔想落返去囉」
要走的始終都要走...10分鐘的升空玩意完結後,
我們又發現另一個更刺激的飛天玩意, 名為iFLY 甲板跳傘...
在一個透明的圓柱筒內, 超強烈風不停從圓筒的底向上吹,
玩家就可以享受在半空飄浮, 翻滾, 舞動...好好玩喎, 可惜, 預覽不包括這個試玩環節呢! (超失望)
而SY則不停望著iFLY前的FlowRider 甲板衝浪, 我問SY:「你好想玩呀?」, SY很無奈的答:「只係大人可以玩, 小朋友都唔畀玩啦」
其實, 我們也沒有被通知要帶泳衣,
應該也唯有「照咗相就當玩咗」, 阿太:「我哋遲D放假Book嚟坐去沖繩囉, 咁到時米可以玩」
我:「嘩!要坐5日船, 之後去到日本又無得去Shopping,
有冇單程去東京架?」 (太:應該唔得囉)
雖然沒有甲板活動, 但小朋友可以排隊玩踫踫車,
郵輪真的很大, 竟然設有踫踫車場!
有得玩的SY, 剛才的無可奈何面容, 頓時又笑逐顏開, 因為小朋友不能坐軚盤位置, 但阿太也縮開了身體, 全程讓他駕駛. 踫踫車果然是長青的機動遊戲, 當年我玩到笑, 今日阿囝又玩到叫不停.
天真的阿叔, 以為一老一嫩玩了一次,
之後便到我的踫踫時間, 誰知導遊哥哥說:「唔好意思, 我哋夠鐘落船啦, 因為我哋5點就正式啟航」
一邊行一邊快速周圍影的我答:「咁快? 唔係3點先落船咩? E家14:40咋喎? ~SY快快過去大熊貓影張相先啦」(真的似打仗一樣)
導遊哥哥說:「唔好意思, 因為有團友話要早走, 所以我哋同一團就要全員一齊落船囉」(車! 佢早走關我咩事喎)
那邊廂SY大叫:「爸爸, 我想玩遊戲機呀! 頭先姐姐又話拍卡就得嘅」,
我一邊叫他走, 一邊答:「正式坐船嗰時先係拍卡, 我哋試玩, 應該要入錢...走啦走啦, 哥哥話要走啦」
沒有留言:
張貼留言