自從堅尼地城通車後, 過去數十年走到西環不足十次的我,
今年只是首10個月已經來了9次. 今日又來開心覓食, 這是阿太推介的限量梳乎厘.
阿太:「雜誌話每日只造30份, 仲要限住3pm、6pm、9pm每個時段得10份, 真係要早D去排隊先得, 唔係山長水遠去到無得食....就笑囉」
結果, 我們17:20去到, Pancake店中場休息, 店員:「17:45就會有人龍架啦, 你哋可以周圍行下先返嚟」, 我:「唔好攪啦, 一陣返嚟多個十個人米死, 我情願等多25分鐘」
18:00 可以入場, 今晚有7組人在門前輪候, 我問店員:「一枱係米只可以點一份限量「點子」梳乎厘班戟呢?」, 店員:「唔係, 你可以點兩份, 需唔需要呢?」(我問下啫, 我仲想試其他嘢)
我們先來一份「大阪燒風班戟 $78」, 雖然, 傳統又老套的仁永遠覺得班戟應該選擇甜食, 但這份大阪燒令我改觀.
SY:「好得意!! 以為食緊大阪燒, 但係入面係班戟...好食呀!」
你會先感受到大阪燒的味道, 豬肉, 椰菜, 木魚、燒汁, 沙律醬, 根本就是大阪燒, 不過夾著它們的卻是微甜的班戟, 鹹鹹甜甜的感覺, 好正.
我問SY:「班戟夾住煎蛋, 又有菜, 兩樣嘢你都唔鍾意食, 點解你又會話好食呢?」, SY:「都唔同, 我唔鍾意食蛋同菜, 但佢係班戟吖麻」(有分別咩?)
「烤菠蘿露筍雞翼 $58」, 這個小食同樣豐富又驚喜, 沒有骨的小雞翼, 分別3件釀入了菠蘿, 另外3件則釀入了露筍及紅蘿蔔,
很令人感動的配搭.
我:「直情就係有人同你BBQ咗隻雞翼, 去咗骨, 再揸埋蜜糖畀你, 係細隻咗D, 如果多幾粒就好D囉」
SY:「係囉, 太細隻, 不過真係好好食!」. 好食得露筍有雞味, 雞有菠蘿味. 不過, 其實在那裡找來如此細粒的雞翼呢? 普通SIZE雞翼不是更易釀製嗎?
之後「無得輸」的 「點子」梳乎厘班戟 $88駕到, 梳乎厘上有一片小小的正方牛油, 再有一小杯蜜糖, 高高的梳乎厘是由兩個重疊而成,
一刀切下較芝士蛋糕更軟綿綿的梳乎厘, 阿太:「嘩! 真係有煙出架喎」
SY:「蛋糕都有煙」, 不過這是令人口水不自覺失控狂流的梳乎厘喎. 貪心的我問店員:「牛油
同 蜜糖 可唔可以添架?」, 店員:「可以呀! 我幫你」
這裡的梳乎厘班戟, 較一般梳乎厘實在, 但又較班戟更軟更綿, 似熱辣辣的日式芝士蛋糕, 但又沒有任何芝士的膩,
香, 滑, 鬆, 綿, 你很想大叫:「好好食呀!」.
SY忽然大叫:「好幸福呀」(點解佢又識用幸福嚟形容呢?
不過真係愈食愈幸福)
阿太:「頭先隔離枱嗰對情侶只係點份「梳乎厘班戟」, 專程嚟食完就走, 就知個梳乎厘有幾好食啦」
(早知頭先叫兩份啦, E家無晒喇, 真係唔抵)
因為梳乎厘售罄, 於是我們點了「宇治綠茶配豆腐雪糕流心厚班戟 $68」補數. 一上枱班戟便自動流心,
與其說是班戟, 不如說是冬甩, 因為中央是空心的, 並放了雪糕.
豆腐雪糕混了抹茶, 原來感覺會變了焙茶? 可能珠肉在前, 其實, 這份甜品也好吃, 只是不及「點子」梳乎厘的出色吧.
豆腐雪糕很清新, 不過略嫌這款冬甩班戟帶點我不太愛吃的布朗尼(Brownie)的質感... 但看到SY不停食, 食不停, 又大讚...我忍不住問:「點解你碟碟都讚好食嘅?」
SY:「因為E間嘢真係碟碟都好食囉, 爸爸, 你唔覺咩? (係喎, 你又講得啱喎)」
點子 Little Dot Room
地址:堅尼地城山巿街1 J 地下 （近石山街長樓梯）
營業時間:星期一至日 1200-2200 (設中場休息18:00重開)
電話：2809 2216 (不設訂枱)
大仁生活facebook
沒有留言:
張貼留言