今晚去打邊爐, SY問:「唔係去街口間吉野家咩?」, 我:「我哋去灣仔KFC打呀!」, SY疑問:「KFC喎, 唔係食雞嘅咩?」
因為, KFC揀了9月1日 , 開學日, 在灣仔298電腦特區肯德基店, 開始賣火鍋, 全港只有這間KFC可以食得到, 所以, 我亦專登過海試新東西.
我們大約19:00到達, 全場約7成人都跟我一樣試火鍋, 今次KFC推出兩款日系火鍋, 「關西風味牛肉鍋」, 「和風海鮮湯鍋」(各$49.9)
其實, 售價較吉野家便宜$1,
同樣可以加$3, 由飯變烏冬. 不過, 這裡追加, 可以有更健康的蔬菜包
($15), 及 厚切蕃茄 ($5)
SY:「哎呀! E度真係好似吉野家, 不過佢個冬菇大好多, 吉野家嘅冬菇好似一個一蚊大細嘅」, 其實, 連個粟米都長多兩行呀!
我覺得這裡更勝吉野家, 就是有兩位靚姐姐幫手打點火鍋部份...質素完勝對家呀!
暫時眼見就只有兩款火鍋, 所以, 添加湯底亦只有兩款!!
當我們左影右影之際, 旁邊有小情侶剛剛入座,
店員便向他們致歉:「唔好意思, 今日火鍋賣晒喇」. 我望一望錶, 時間為19:45. 八卦佬又問店員:「咁快賣快嘅??」
店員答:「因為我哋第一日只係預備咗一百幾個鍋, 反應實在太好, 我哋之後應該會加番多D數量」
在街坊價錢下, 這裡的牛肉亦比較食慣的出色,
SY:「係呀! 真係軟D」嫩一點點, 易入口一點點, 而且伴上酸酸甜甜的胡麻醬更加醒神.
雖然湯底標榜選用大多福醬汁製成, 但也算是淡口味的. 如果兩款湯底比較, 就定海鮮湯比較鮮甜, 可能有大大隻蝦, 大大隻青口吧!
唯一希望KFC可以將用完即棄碗仔, 全部換上可清洗再用的碗...心諗:「E款蘑菇飯塑膠碗...好似唔多耐熱掛??」
阿太:「頭先我聽到隔離枱話,
應該每個鍋跟一隻炸雞喎...」, 我:「係呀! 我都覺得入嚟唔食件雞,
好似個心有少少囉囉攣」
臨走前給SY看到有$5軟雪糕, 他說:「爸爸!! 下次都過海嚟E度打邊鍋好呀...有雪糕食呀! 真係好呀」
時間: 每晚18:00起
沒有留言:
張貼留言