朋友阿糖話:「開學前約埋SY食餐飯吖, 尖沙咀新開咗間「臭臭鍋」, 我係台灣食過, 好食架, 不過真係好臭」, 我:「咁正? 臭嘢最啱我, 去去去!」
午市$88一個鍋, 我猶豫:「SY好細食, 會唔會唔抵呢?」, 誰知店員回答:「我哋無最低消費, 你或者可以同小朋友Share一個鍋」
嘩! 沒有最低消費真好, 孤寒的我對阿糖說:「不如我哋三個人食一個鍋囉」, 糖姐笑咪咪答:「好吖! 唔夠飽先再去第二度食囉」
菜單有10個鍋, 其實我本來想點「芝士牛奶鍋」, 不過話明臭臭鍋, 沒有理由不點主題鍋啦...
大約5分鐘, 臭臭鍋上場...喔! 沒有想像中的臭, 而且全部上枱時已經熟透, 即使限時90分鐘, 也不成問題...
如果以一人份量臭臭鍋算抵, 臭豆腐、台灣頁丸、米血糕、嗚門卷、大白菜、豬肉片、大腸、豬紅、沙白、鵪鶉蛋、蕃茄、榨菜絲、韮菜、金針菇.
用力嗅嗅火鍋的SY:「好臭架? 我覺得似泳池水味啫」我答:「其實...無乜味? 台灣臭豆腐原來唔臭嘅?」, 雖然浸湯後的豆腐超入味, 但吃慣港式臭豆腐, 還是覺得炸出來的脆皮,
好食一點.
台灣食物一般出名濃味, 所以, 全部一早100%入味才拿上枱, 附送的一碗白飯, 一定不怕太寡了. 我對SY說:「原來唔食飯, 可以轉粉絲, (SY:有得轉烏冬就話啫)」
這個鍋的味, 不知為何我第一時間聯想到東門的酸辣粉味道, (註:我己10年沒再上東門)
湯底微微帶酸味, 可以放了榨菜絲, 不過又有鵪鶉蛋的火鍋, 真的未試過喎.
米血糕第一次食, 感覺得很不錯, 煙煙韌韌, 我最初以為是豬紅感覺, 但混入米粒, 咬口很有新鮮感.
不過, 這個鍋, 我一點也不能與臭拉上關係, 唯一可能應該就是韮菜吃完會口臭吧!
阿糖說:「係囉! 上次我去台灣食, 又係叫臭臭鍋, 但真係好臭, 臭到成間舖到好臭, 我仲以為香港都一樣添, 點知真係唔多臭」
每枱也有 豆瓣/沙茶醬/蒜蓉任配搭, 阿糖:「不過, 佢個鍋咁濃味, 都唔駛混醬啦」
當我們結帳後, 準備去吃雪糕之際, 正正就在門口遇上坤哥, 他問:「好唔好食架?」, 我:「都幾入味喎, 最好係無乜人, 三個人食咗2個鐘一樣無問題」
於是Shopping完的坤哥就被我介紹走入店...阿糖之前很迷坤哥, 不過剛才又很冷淡呢? 糖:「佢拍完愛‧回家之後都唔毒囉, 我E家唔鍾意佢Lu」...
(都唔係吖, 佢攞住個TsumTsum袋都幾毒啦!)
尖沙咀金巴利道77號地舖
2885 7867
大仁生活facebook
沒有留言:
張貼留言