自己都覺得自己孤寒, 但偏偏又愛食日本刺身,
所以, 當知道有平靚正日本料理,
就會9秒9走去試. 這間「丼家」超級正!!
阿太:「鳳攸北街? 米即係元朗劉華漢堡前面?」我:「係呀! 一出地鐵, 過條馬路就到」
平日晚上食飯的好處, 就是等位也只需等10分鐘便可以入座.
這裡皇牌, 就是二段「究極丼」$198. 上層有三文魚、油甘魚、吞拿魚、左口、蟹蚶、帶子、甜蝦、八爪魚、海膽、劍魚腩.
下層則有大量三文魚籽、蟹籽....同中央一小碟喬麥麵. 對喬麥麵非常反感的我,
唯有將重任交給阿太....於是整個「究極丼」又變回完美.
不知是否配搭得宜, 肥美的刺身, 即使只是與韓國海膽作大結合, 味道一樣很鮮, 很甘, 雖然甜味不算濃郁, 但回甘味, 令人很激動, 很滿足....
師傅:「本來我哋賣北海道海膽,
味道仲正呀, 不過, 啱啱E幾日無貨...你下次再嚟試, 包你一試難忘」(其實, E家都好Creamy, 好潤囉)
三文魚海膽親子丼(標準版) $78, 加$18轉定食 附前菜小食,麵豉湯和沙律一客. 絶對就是舉腳推介. 抵抵抵之選.
「親子丼」份量, 一定不可以與「究極丼」相提並論, 但這個價錢, 有如此質素的魚腩, 啖啖肉, 親子刺身之餘, 還帶來好朋友海膽相隨,
真的愈食愈開心.
原來, 小店只開了4個月, 不過, 長期排隊, 阿太:「梗係啦, 咁嘅價錢」, 店員又非常好人, 見SY不停捉小精靈, 竟然送了一個紙褶的比卡超給他.
SY:「爸爸! E度好正呀! 有好多鯉魚王捉呀」我問店員:「你係米都成日捉到鯉魚王架?」她笑笑口點頭示意...(妳就好啦, 我哋仲差60隻先可以升級呀!)
小店有誠意, 唯一缺點就是洗手間要走到前方約3分鐘的體育館借用... SY:「仲好, 可以捉精靈」, 不過, 我家主子竟然25分鐘也未見回來.
電話響起, 阿太:「我蕩失路呀!! 」店員得知竟然主動要求去尋人...真的不好意思!!
丼家
元朗鳳攸北街2-6號永富閣地下14B號舖
5541 0744
(元朗站F出口, 經YohoMall步行約5分鐘)
大仁生活facebook
沒有留言:
張貼留言