2016年8月24日 星期三

【免費夾糖】巷仔入面嘆超正海膽飯 ~ 班戟Pizza仲掂

最近食海膽食上癮, 得知生煎皇Oscar跟拍檔, 於尖沙咀新開西餐Cafe, 原板海膽飯超特價, 沒有理由不去試啦!!


餐廳限時進食75分鐘, 電話留座時, 雖然第一輪己滿, 8點半的一輪也不沒所謂吧! 因為我好想食海膽...

阿太:「無喎! 無你講咩$98原板海膽飯意大利飯, E度寫$168, 心諗:「唔通我睇錯? 於是問一問店員, 他答:「有呀! $98, 因為我哋做特價, 所以無寫上Menu


不過, 上枱時感覺份量少了一點...八卦佬又問店員:「係米特價所以份量少咗?, 店員:「唔會, 唔會, 特價, 正價我哋份量都係一樣架...(咁可能宣傳相要襯個大煲)



雖然, 海膽是比較清的韓國選擇, 但一樣夠鮮...我覺得奇怪:「點解意大利飯係黃色嘅?」事後, 我才知道...原來大廚已預先將海膽與飯炒在一起...! 難怪又鮮又香.


不愛吃海膽的小朋友:「爸爸! 我覺得意大利飯好食, 我唔駛撈海膽啦」(其實, 人哋一早撈咗嚟炒...你食唔出仲話好食添呀??)



本來我不愛薄批Pizza, 但這個辣肉腸菠蘿荷蘭薄餅 $108, 令我改觀...SY:「原來薄Pizza咁好」



可能荷蘭Pizza不同普通薄餅可以說簡直就是班戟餅底, 餅邊脆脆, 底部如同班戟一樣軟滑. 因為由細到大也愛吃班戟, 所以這個薄餅, 絶對:「無得輸」



紐西蘭羊扒配迷迭香燒汁 $1988 安士,配廚師精選薯菜), 因為是追加的, 餐廳只剩兩隻小羊架...!又腍又嫩又香, SY:「不過, 咁多血嘅? (:咁先夠好食呀!)


第三件店員說要再開, 所以後上...可能未有預先準備吧, 所以, 第三件有少少失準, 煮得過火了一點, 沒有先前兩件的美味我對SY:「嗱!見唔到血紅色, D肉就老咗D


本來, 餐牌沒有甜品一欄, 但我發現鄰坐有得食, 於是問店員, 他答:E個焦糖香蕉班戟 $68, 因為差唔多Last Order, 所以收埋咗個Menu, 你要都可以叫呀!



不得了, 這個班戟較先前的鹹食薄餅更正. 可能因為根深柢固關係, 所以班戟一定要甜食才更美味吧!



店內有不少彼禮士公仔, 又有兩隻《娃鬼回魂》Chucky, 我叫SY:「同Bay一齊玩啦」, 小朋友答:「咁恐佈仲Baby, 好似殭屍咁樣嘅」(好多人鍾意喎! Chucky Bearbrick我好想買添呀!)



小朋友最期待, 就是離開前可以免費夾糖, SY一邊偷食一邊夾:「真係好開心, 我要夾多D先得, 爸爸! 石頭糖係朱古力嚟架...好好食呀!



全場85折優惠會一直至831, 特價海膽意大利飯/龍蝦卷 每枱只可以任選擇其一, 特價孖寶不設85.


Candies Foodies
電話:2563 3332
地址:尖沙咀樂道36-50號華源大廈1B-2B閣樓
時間:12:00nn-10:00pm


大仁生活facebook

沒有留言:

張貼留言