由石硤尾地鐵站步行至JCCAC, 上個月開始多了一點綠.
一對小情侶合力打造的一個偷閒果汁店.
走到這個原始商場的大門旁, 坐在這小清新Green
Truck店前, 忽然覺得有點似長洲, 又似日本江之島, 宮城石卷的臨海小區. 偽渡假感覺極濃. 好正!!
老闆Jason一見你走近, 便會熱情跟你推介:「你可以單點果汁($23)又得, 或者好似車仔麵咁, 先揀茶底($15), 再選配料($4), 及生果($6)」
(你哋間舖好Relax, 好好feel, 係米裝修咗好耐?) Jason女友Empty笑笑口答:「唔係呀! 我哋全部嘢一個月內攪掂晒」如果天氣轉涼一點, 坐在店前慢慢Hea, 望著老闆與小朋友嬉戲,
享受到不得了.
(你哋好鍾意食車仔麵?) Jason答:「都幾架, 車仔麵夠地道, 大家又可以揀鍾意嘅嚟配搭麻」
(豆漿都可以溝生果嘅咩? 會痾架喎)Empty:「唔會, 我開舖前搵資料, 原來豆漿可以溝果汁, 所以成日飲, 因為我好鍾意飲豆漿嘅」(腸胃唔好嘅我, 仲有街去, 唔係好敢試囉)
(係米一定要加冰架?) Jason:「你可以揀走冰」.
正當我猶豫太多選擇之際, Jason建議:「我哋有幾款Set好咗嘅, 火龍果木瓜蜂蜜豆漿($31),
蘋果羽衣甘藍蜜瓜冰($24), 不過今日有雪條嘅親子果汁($39)就賣晒」
結果, 我揀了羽衣甘藍, 因為太似精靈名, 阿太就揀她最愛苦瓜, 再加薏米及雪耳, SY就要最甜的彩菊+蜂蜜+菠蘿
SY非常享受他的清甜特飲...不過:「嘩!爸爸你嗰杯無味道嘅...媽媽嗰杯唔好再攪我, 好難飲」, 其實, 阿太的特飲近乎五青汁, 用作利便絶對是她「合晒合尺」
而我的特飲本來很蔬菜味, 但加入了蘋果, 蜜瓜微微有甜, 又清爽, Jason真的沒有推介錯.
個仁意見...人情味舊區, 小情侶極好客, 熱情與大家有傾有講, 有說有笑是好事...不過, 旺角果汁價錢約$20, (「旺中」更只是$15), 我怕這個「小綠洲」定價可能會太進取呢!!
Green Truck
地址：石硤尾褔田大廈65號地鋪
時間：11am-9pm
大仁生活facebook
沒有留言:
張貼留言