話說今個星期日日大大雨, 我由5日前已經想試白布街HeSheEat旁邊小店, 今日帶SY來到, 他說:「無得坐入去架? 得門口兩個位, 好彩今日好天咋」
阿太問:「真係唔知開咗間咁嘅嘢喎,
咁細間...之前係咩嚟呢?」無聊等食期間, 就上網找一找2014年自己的甜品文, 原來, 這裡前身是賣酒「張記國際洋酒」
本來我說帶SY去食漢堡包, 但原來這間小店主打蝦蟹新食法...口爆海膽波 ($46), 店員一放上小枱已經有極香海膽味.
大廚劉師傅:「海膽唔好放咁耐, 會實咗唔好食, 快D影完就食咗佢啦」
炸海膽波, 包圍著北海道白海膽的是彈牙蝦膠, 有時美食當前, 就算敏感也忍不住口, 因為這款白海膽, 好香, 好清, 好爽, 帶海水味, 雖然沒有馬糞濃郁, 但好吸引, 好吊癮, 其實一粒波波真的不夠喉.
之後我問師傅:「食豬好, 還是食牛好?」他答:「安格斯漢堡 $59」, 隔著玻璃窗, 望實師傅煮漢堡, 麵包都要煎完再煎, 漢堡則又焗又煎又不停用針試肉內溫度, 十分仔細.
大大份漢堡, 有煙肉, 生菜, 蕃茄, 小朋友竟然可以KO了四份三個...這個價錢, 超牛質素, 只有要一個字不停重複說:「抵!抵!抵!」
蟹肉沙律炸饅頭配煉奶些利醋汁$44, 是大愛蟹籽沙律的阿太指定要食的, 三個小饅頭, 一家三口剛剛好.
由細到大, 習慣食炸饅頭一定要沾上大量煉奶, 不過今次師傅已預先混入少量煉奶, 所以略嫌未夠喉.
SY:「爸爸, 你幫我食咗上面D蟹籽先啦, 我淨係鍾意食炸饅頭咋」, 我:「吓? 三舊炸饅頭, 出面上海舖都係賣$20, E家最貴就係D蟹籽都蟹肉, 你真係唔識食」
最後, 阿太追加了芝士蟹肉蟹蓋配溫泉蛋 $46, 我:「嘩!咁攪笑嘅, 真係成隻蟹蓋上枱喎!」
蟹蓋釀入一半松葉蟹肉及加拿大蟹肉, 加芝士再炸至金黃色, 另一半則加入流心溫泉蛋, 劉師傅:「將D蛋溝埋D蟹肉食啦, 好食好多架」
阿太:「有D腥, 但我接受得到, 幾攪鬼嘅, 不過都係頭先個海膽波正好多」(我:係好好好多先真!)
地址：旺角白布街 24 號藝興大廈地下 3A 號舖
電話：2612 2660
大仁生活facebook
沒有留言:
張貼留言