2016年8月14日 星期日

【嘰嘰見面會】正過食嘢多多聲 @ 仲有兩次機會

因為愛屋及烏, 所以幪面超人粉一定會同時愛上嘍囉嘰嘰...日和號7月尾開始與嘰嘰聯乘, 所以冒大險也要去MegaBox見嘰嘰!!


阿太一聽到去日和號:「上兩次小忌廉, 足球小球中晒伏, 你仲敢去第三次...真係得我哋肯陪你癲」(多謝你囉)


真‧Shocker要兩點才出場, 於是我們影影環境, 先食午餐. SY:「爸爸! 一陣兩點係米幪面超人都會出場呀?


:「唔會呀! 今次主題係嘰嘰麻」, SY:「我想睇幪面超人多D(你唔覺嘰嘰仲得意, 仲活躍咩?)


小舞台有一個幸運輪, 我滿心歡喜叫阿囝大力轉, 轉到就有大雪糕食, 誰知店員答:「唔好意思, 部雪糕機壞咗!!(! 咁無癮)


暗黑嘰嘰, 當然今次主題食物也玩「Black, 不過主菜只有一款, 沖繩黑咖喱飯配 Shocker 酥皮 $58


正當我想食飯之際, SY大叫:「點解唔見咗佢頭頂個鷹」:「係喎...無咗個Logo


於是我問店員, 誰知換來答案:「無晒!!( ?? 無晒?? 咁同幪面超人無咗條皮帶一樣, 仲點變身呀?)


黑咖喱飯帶有少少日式甜咖喱的味道, 但我從未試過咖喱飯並沒有餸的...


三件薯角算最有味, 那塊嘰嘰臉酥皮, 估計是用來儲, 不是用來食的, 淡而無味. 其實, 我真的未食過如此難食的咖喱飯.


朱古力海藻珠特飲 $24, 如果普通命名為凍朱古力, 則完全沒有問題, 不過, 為何要強調海藻珠呢?


不如索性用珍珠, 因為海藻珠的質地, 爽碎而沒有咬口, 珍珠還可以煙煙韌韌, 如今空空洞洞的感覺, 十分奇怪.


阿囝最期待的黑白雜果雪糕班戟 $32, 他先吃口班戟, 還未吞下去便大叫:「好食!


冷不為意, 便被他騙了一次, 那塊加了竹炭粉的班戟皮, 質感如同製作皮革的硬化了的羊皮一樣班戟可以全無蛋味, 又易碎的, 我還是第一次遇上.


我問SY:「好食係邊呀?,SY:「雲呢嗱雪糕好好食! !剛剛病癒的小朋友, 一見雪糕如同放監一樣, 完全不可以相信.


先苦後甜永遠是最好的, 因為捱完一餐, 我的2位嘰嘰終於登場啦!! ~~~一聽到叫聲, 即時忘卻之前的不滿.


兩位嘰嘰走到每枱, 逐一與各大小朋友合照, 扮鬼扮馬, 難得今日的小朋友也沒有一個被嚇至嚎哭喎!


我和SY很興奮, 由大門口一直跟足全場, 最後在舞台齊齊敬禮, 嘰嘰才與我們道別.




阿太:「如果唔係為咗兩隻嘰嘰...貼錢畀我都唔嚟, 但奇怪...點解仲咁多人排隊呢?(好簡單, 因為佢哋都無人叫嘰嘰嘢食囉!)



日和号壽司料理
地址:九龍灣宏照道 38 號 MegaBox L10 5 號舖
電話:2359 0025

Shocker 見面會於 8 月 14、21 及 28 日 2pm-4pm 舉行。


大仁生活facebook

沒有留言:

張貼留言