漫畫已經連載30年, 「我細細個就已經聽過小丸子Ｅ個名啦」, 估不到上年開始, 連阿囝也超級迷上. 從他在Youtube瀏覽紀錄, 這位小朋友已看過超過200集小丸子.
難怪今日帶他去看《來自意大利的少年》, 永澤同學一出場, SY即說:「點解唔係電視嗰把聲嘅?」(吓?你真係認得出所有同學嘅聲架?)
自己長期睡眠不足, 本來想入場後便可眠足95分鐘, 誰知男人老狗的我, 因為意大利少年Andrea的一段說話, 淚線已隨時蠢蠢欲動.
Andrea說:「喜歡小丸子, 因為佢同爺爺同名, 爺爺當年住過日本, 所以我都想嚟了解下, 不過爺爺半年前已經過身」 故事的35分鐘情節, 我的毛管已戙得不得了.
這套30周年紀念電影, 絶對毫無入睡位, 單單從外國到日本交流的同學, 已有6位之多. 主線當然是小丸子與Andrea;
但論搶鏡, 一定是與小杉作伴, 來自夏威夷的Nep.
其實, 有點懷疑原作者三浦美紀老師,
私底下是否認識阿Bob呢? 因為阿Nep樣貌, 動靜, 9成與阿Bob相似, 而當阿Bob說了數句對白後, 戲院內不少觀眾已叫:「真係阿Bob嚟喎, 好攪笑呀」
坐在小丸子專家SY旁邊, 他不時會拉動我的右手, 輕聲發表電視未見的場面:「原來嫲嫲瞓覺係長頭髮喎」(打散了頭髮的嫲嫲我都係第一次見)
我問SY:「乜瑛叔同爺爺好Friend嘅咩?」, SY:「電視都無講, 可能佢自己作嘅啫」(故事講瑛叔希望爺爺收留Andrea)
由無綫1997年開始播小丸子, 我印象中的小丸子, 內容都是生活日常. 所以, 今次電影又大阪, 又上野, 已經跟電視感覺大大不同.
我跟SY說:「原來小丸子住係靜岡喎...難怪她說去東京好遠啦」, SY:「電視有講架...佢住靜岡架, 好遠嘅咩? 我都唔識」(個半鐘頭JR左右囉...都唔算遠嘅)
配音方面, 欣宜配巴西Julia,
及胡杏兒配來自香港的芯怡, 委實又真的太浪費, 因為實在配角得太緊要, 可能對白也不足15句.
作者的價值觀應該非常正面, 話說, 電影中同學們一到大阪, 便接連遇上親切的途人, 主動出手相助, 在場觀眾也以為是出路與賊人,
誰知作者想表逹關西人的友善性格.
劇情過後, SY又拉一拉我:「我頭先都驚嗰個男人會害小丸子呀」(可能真係香港人, 日本人從少被教導對陌生人的反應囉)
Andrea要到大阪所找的居酒屋, 原來早已結業, 但附近的商戶, 就是當年Andrea爺爺的朋友, 情節又回到從前年動人時光. (我這位大叔... 竟然打了一個冷震, 雙眼太淺得趟出了幾滴淚水~ 太感懷身世??)
有朋自遠方來, 結局往往一唱出「友誼萬歲」之類的歌曲,
一般也會催淚...不過, 現今互聯網,
Whatsapp太普及, 傷感的效果又不是太強烈.
之後, 發展到小丸子跟Andrea放願望水燈, 浪漫得似太陽的後裔, 原來, Andrea才是小丸子的初戀情人.
不過, 為何上野居酒屋的伏線不見了呢? 原來, 最煽情的場面, 就在臨上機前的6小時.
小丸子兩爺孫帶Andrea到上野找「想要見的友人」, 輾轉一輪, 終於找到了想見的兩夫婦.
因為小店兩夫婦懷念至友, 所以索性用了Andrea爺爺的名字, 將他所教授的美味意粉作主打, 在上野開了一間「Marco意粉店」...
大叔喊過不停就在這時開始, 至友死別後, 他的孫兒有一天竟然手持從前送予對方的「開瓶器」回來相認...救命的情節!!
從前, 我們只能用菲林相機, 偶然拍照留念, 今日, 可能每隔2秒, 想拍照就拍照...所以, 今日看電影...我心中奇怪:「點解大家咁開心, 都唔攞部手機出嚟影相?」
原因, 當時Steve Joe還未推出iPhone吧!! 正如SY問我:「咩叫做查電話簿?」
正正因為這是作者40年前的回憶, 所以爺爺需要在電話亭查電話...如果故事在今日發生, 用手機一上網, 「上野」, 「意粉屋」, 輸入後, 「Marco意粉店」應該很易會找到.
對比起來, 當年朋友間的友誼, 會不會來得更親厚, 更值得留念? 還是, 今時今日, 人與人太易找到對方, 人情亦變得愈來愈薄弱呢? 慘!!
PS:鄰住有2位90後少女, 少女A一位下便對少女B說:「我唔敢講比阿C知我同妳去睇小丸子, 佢實話我哋低能」(其實, 純真同低能截然不同)
大仁生活facebook
沒有留言:
張貼留言