網頁

2016年7月11日 星期一

【新潟米係正D】食飯‧多士‧歎茶 Mos Burger @ Mos Cafe

MOS Burger Cafe ??  位置就在今個暑假非常旺場的太古.  SY:「漢堡包Cafe, 同平時食漢堡包有咩分別呀?


連我也以為Cafe會有布甸, 蛋糕, Pizza, 熱狗, 大肉腸, 即磨咖啡...對不起, 全部欠奉. 如果不是看到門口的招牌, 我還以為去錯普通MOS Burger.



SY:「爸爸! E度同平時我哋去開嗰間MOS Burger有咩分別?」我努力找Menu, 終於發現Cafe多了三個飯, 而且標榜使用「新潟」米.


阿太:「正喎...我想食新潟米」SY:「好好食嘅咩?


和牛漢堡扒飯($50), 最初覺得這個價錢, 餐飲又要另外加錢, 看似不值...不過, 原來漢堡扒的分量, 足足就於漢堡包2倍以上, 而且又是日本米. 即時覺得抵.


SY:「新潟米...真係好食D! (:你又識?), 係呀! 大粒D, 真係好食D架」(聽到阿媽話好食, 你又執人口水尾啦...實際又真係每粒米都好圓好潤嘅, 嘻嘻)


MOS Burger , 可以飲到水果茶, $30有芒果粒、橙及檸檬, :「最初以為係蘋果, 原來係芒果, 不過太少生果,


SY:「係囉! 淡到死」(無計, 人哋咖啡弄差唔到$60, 大大堆生果塞滿茶壺, E度平一半, 一分錢一分貨啦)


Cafe三寶還有三款西多士...sy:E啲係西多士咩? 一杯杯嘅?(係囉, 原來佢係似台式多士盒入面切粒粒, 放晒入杯)


一杯大約有10粒多士仔, 我揀了士多啤梨, 情況就係去麥當勞食士多啤梨新地差不多, 只是雪糕換多士粒囉.


場內坐無虛席, 而且還有不少日本人, 但奇怪的是連SY也發現...「爸爸! 人人都食包, 食薯條, 得我哋食飯, 同多士嘅?, :「梗係啦...舖頭將D新嘢放晒係Menu死角位, 鬼有人知有新嘢食咩?


Mos Cafe
地址: 鰂魚涌康山道1號康怡廣場(北)1樓F20號鋪
時間: 星期一至日8am-10pm
電話: 2557-9020


大仁生活facebook





沒有留言:

張貼留言