【靚爆布甸狗競技場】仲可以同玉桂狗玩Bubble Soccer

暈車浪的SY, 今日竟然毫無怨言的跟我坐一小時巴士入屯門, 目的就是見偶像布甸狗...

腳步浮浮的SY, 落車時跟我說:「走嗰陣不如坐地鐵啦」, 看他可以忍住不適, 我才知道布甸狗在他心目中, 地位如此崇高.

 

我們未行至中庭, 離遠SY已經大叫:「布甸呀!」(咁遠你都睇到咩?)...

當我走近...自己也忍不住大叫:「嘩!好靚喎...今次玩七彩文具CrossOver運動會, 真係靚到呢...」

有備而戰的SY, 指定要帶同他的寶貝過來, 目的就是與布甸狗合照...我:「你頂帽熱唔熱呀?」, SY:「少少啦...但我想影咗張相, 之後先除」

SY見偶像, 大叔一樣有偶像...就是大口仔, 不過阿太經常說:「你一講鍾意大口, 係人都知你老啦」(車!夠多妹妹仔鍾意Kitty啦)

商場活動要受歡迎, 一定要加入互動元素, 今次屯市加入4大競技項目, 實行各大偶像會同大家嘆住冷氣玩競賽

【競技1】PC狗「投籃競賽」
小朋友全程波不離手...SY:「射籃好玩呀! 爸爸, 我哋鬥高分吖」, 有目標果然不同, 因為小朋友不停射, 不停執波, 堅持了3分鐘, 興奮大叫 : 「我終於射入咗啦」

其實, 籃框比較小, 我也想不到SY有如此毅力, 我最初估計他射兩球就放棄...

【競技2】: 布甸狗「色彩投擲賽」
其實, 只是擲神奇膠貼飛鏢, 不過, SY玩得好開心, 好投入. 我問:「好好玩咩?」SY:「梗係啦...布甸狗嘅遊戲梗係好玩啦」

【競技3】: 玉桂狗「碰碰球競賽」

正正就是「泡泡足球 Bubble Soccer」比賽, SY鑽入了透明塑膠泡泡內, 差不多全被包住, 但竟然還可以跟我不停撞,不停跑...阿囝, 你真的很可怕...

SY:「爸爸! 好熱呀, 我想除咗個波...不如我哋就咁踢波米仲好玩」說時遲, 那時快, 他已大腳大腳的射龍門. (頭先你又話熱嘅?)

【競技4】 XO的「筆‧一般接力賽」
其實, 這是非常簡的運豆袋遊戲, 只要一口氣將所以咕臣筆, 由起點運到終點, 最快就贏Easy Job.

左抓右夾7個咕臣, SY一拐一拐急步走, 我:「你連腳都出埋呀?? (SY:係呀!咁先攞得齊呀)」

SY:「爸爸, 你又話布布係第一名嘅? 點解蛋黃哥有個第一嘅金牌??」

我問工作人員:「投票係米布甸狗最受歡迎呀?」, 工作人員:「係呀! 蛋黃哥今年排第4...(咁!第2名係邊個?), 玉桂狗囉」

SY繼續捐窿捐罅, 竟然又給他發現新大陸:「爸爸! 你睇...E度有個窿, 如果我唔捐出嚟就最啱玩捉伊欣啦...」(無時無刻都係捉伊欣嘅?)

今日, 連個Pop-Up-Store都靚到出奇, 連外牆的一支一支顏色筆都印滿不同角色.

SY:「快D入嚟啦, 好多布甸狗公仔呀! 」...我:「哦! 出面專門店都有嘅, 返出去先買啦, 唔駛攞住一陣食唔到Crème Brûlée, (SY:係喎!!)」 (SAFE!!)

【屯門市廣場x Sanrio Characters塗氣競技場】
主題裝置及塗氣精品店
日期:2016 年 7 月 18 日至 8 月 31 日
互動遊戲 日期:2016 年 7 月 23 日至 8 月 31 日
時間: 周日15:00至19:00
周末 12:00至21:00
地點:一樓中央廣場

競技場內大家只要消費$100,便可參與Sanrio 超靚運動會!



大仁生活facebook