2016年7月25日 星期一

【掃街新熱點】「旺中」變「葵廣」~人情‧味道完勝!!

「你有幾耐無上過旺角中心(旺中)?, 魚子媽答:12年無去過啦」, 其實我也差不多十年...


在旁邊的SY接口:「點會呀! 我細細過都嚟過啦? (:你又記得?) 梗係啦, 去大家樂個廁所呢!(但我肯定無帶過你上嚟2樓囉)

因為蘋果上星期介紹「旺中變葵廣」, !掃街最合我心水, 所以久違了的旺中, 我來啦!!


旺中2樓扶手電梯轉右角位, 新開了2間飲品, 手卷, 雞蛋仔(弼街分店), 班戟店(葵廣分店), 炒雪糕  合共6間食肆.

$28 衝出長洲炒雪糕



居於長洲的楊先生, 本來在小島賣炒雪糕9個月, 因為早前見報紙介紹, 旺中可以新開食肆, 於是便萌起衝出長洲的念頭.


(點解豆腐花, 冧酒提子, 話梅咁多都無嘅?), 楊老闆:「最初頭兩日好靜, 之後蘋果出咗, 尋日都可以講炒到手軟, 所以補唔切貨, 唔好意思」


雪糕炒過更合我心意, 因為混入了水果, 而且質感似叮了5秒的質感, :「係呀!炒完密度高咗, 真係滑好多」


SY:「爸爸, 係就係滑好多, 又好食, 但你下次唔好加水果啦, 我唔鍾意食, 加朱古力啦, E家揀返D桃出嚟好辛苦」

Cheung Chau Stir Fried Ice Cream
旺中SA28A
6438-8815



完勝葵廣手卷


上月去過葵廣的兩間手卷店, 質素如何?? 大家見我還未有意欲出文就知答案...今次未食羅師傅的馬糞海膽, 離遠已經嗅「好香! 好鬼香」


$45足一板大連海膽, 海膽算飽滿, 口感的Creamy程度絶對合格以上, 不腥不苦之餘, 又甜又鮮, 而且After-taste不弱,  超滿足.


 一分錢一分貨, 與葵廣$29的簡直贏足9條街.


10年日本料理經驗的羅師傅:「不過過去星期六, 日我哋賣咗二百幾板, 畀貨我哋嗰邊都就嚟無晒貨, 所以我哋都頭痛緊, 不過我哋諗緊辦法」


(哎呀!咁要轉都要轉個質素更正架喎)


除了海膽, 三文魚腩($18)一樣肥美, SY:「我個鰻魚($18), D紫菜又脆, D飯又暖, 真係好食過葵涌嗰間好多喎」超值, 超抵, 超肥! 好食!

手卷駅
旺中SA30A
5281-3548



葵廣班戟店插旗開分店


最愛班戟的我, 雖然剛剛試完炒雪糕, 但也忍不住要來一個菠蘿雪糕班戟($25). 本來SY不太愛班戟, 不過因為有雪糕, 小朋友又三心兩意, 不知揀那款...


葵廣賣班戟十多年的林先生:「我最鍾意食奶油曲奇雪糕, 夠晒香, 你都試下囉」



因為菠蘿夾了入班戟內, 班戟頂有大量忌廉, 朱古力醬, 伴雪糕, 如果你想好似我能夠食到菠蘿, 真的頗有難度. 為何在雪糕面不再以菠蘿點綴一下呢?


SY:「我鍾意食雪糕喎, 爸爸, 我食晒雪糕, 留返下面D菠蘿畀你」(? 你咁都得?)

又一戟
旺中SA31A

抵飲鮮榨橙汁~平過街舖$5


最後, 正當我們想徹退之際, 我竟然發現又一戟對面的果汁店, 鮮榨果汁只售$15. 我問老闆:15蚊溝唔溝冰架?


非常友善老闆:「我哋唔會溝冰嘅, 你街舖飲嘅價錢梗係貴少少, 我哋開係商場入面, 又唔駛賣咁貴囉」


:「第時我都行上嚟飲橙汁先得, 樓下旺角道賣$20, 你平$5...老闆記得唔好咁快加價喎」, 老闆笑笑口:「盡量啦!!盡量啦」

金沙糖
旺中S71B


今次旺中大變身, 絶對成功, 因為午市過後的星期一, 6間食肆也人來人往, 看來我日後坐地鐵前, 都會上來買杯橙汁, 食件海膽手卷啦!!


PS:SY:「爸爸, 點解你唔買雞蛋仔? , :E間米即係隔離弼街嗰間囉...駛乜係度買呀」


Argyle centre 旺角中心


大仁生活facebook




1 則留言:

  1. 完咩勝呀,黑人憎,最憎d口氣大既人,
    係要去葵廣,吹咩

    回覆刪除