做日本人真幸福, 因為連食門市拉麵, 也可以直接光顧7-11, 實行自己麵自己沖.
三大品牌即食碗麵, 我問樂駝柒黃小姐:「日本7仔新出架?」, 她答:「唔係喎, 出咗好耐, 不過香港齊晒三款一直好少見啫, 」
三款也是日清出品, 當中只有「すみれ」香港未設門市, 其餘兩間, 大家可能也食到厭...今日$22就可以享用門市「差不多」質素的碗麵, 不試又好似好蝕抵喎.
「すみれ」"札幌濃厚味噌"
(泡4分鐘) ★★★✰✰
粗粗的北海道麵, 是我最愛的選擇, 因為我愛有嚼勁的麵條, 有咬口又可以更吸收湯底的味道.
透明包裝是蔥, 非普通蔥粒, 而是長蔥切粒, 算少見的配料.
如果愛肉燥, 濃味的朋友, 一定愛死這碗拉麵...不過, 個人還是對傳統豬骨味比較鍾情,
肚餓揀這款麵最著數, 因為非常飽肚. 可惜不是我杯茶.
「一風堂」赤丸 (泡3分鐘) ★★★★✰
實在太忠於原著, 所以$22可以食到如同店舖的效果, 這個碗麵真的抵. 豬骨湯底. 3分鐘後一打開蓋, 三碗中最香的, 一定是這一碗.
味道一定完勝市面大部份杯麵, 說到底, 可以在家食到「一風堂」的口感, 很不錯！調味料中加入少少辣, 及黑麻油. 在味道上確實豐富.
最初試食的時候, 一定會被這碗赤丸所吸引,
其實以杯麵來說非常出色, 只是有另一比較之下, 層次感就不及山頭火.
扮專家的SY:「我鍾意佢D麵夠幼, 容易食囉」(懶得戚, 爸爸都唔鍾意食幼麵嘅)
山頭火鹽味拉麵 (泡4分鐘) ★★★★★
醬料/配料較一風堂少了一包黑麻油,
但其他的絶不馬虎, 我愛這碗山頭火, 就連「叉燒片」都覺得特別好食.
SY:「真係喎, 佢有粒梅, 好得意」, 其實, 配料還有乾木耳, 蔥花粒及一片少魚旦片,
可愛到不得了.
這碗是鹽味的山頭火, 絶對是三碗中最順, 最有層次的選擇. 而且一點也不鹹才是最值得推介.
SY:「我都鍾意佢個湯底, 因為另外兩碗辣辣地吖麻」(小朋友你咁攪笑嘅!!)
中度粗幼的麵條, 較一風堂的幼麵更彈性,更正. 湯底與門市食的, 簡直說不出有大分別, 宵夜首選必揀山頭火, 次選一風堂.
PS: 我未食過「すみれ」, 所以只能說「山頭火」, 與「一風堂」的還原度非常之高. 三份之一價錢就可以食到門市「差不多」的拉麵, 實在抵到爛!!
「一風堂」「山頭火」「すみれ」各$22
樂駝柒
觀塘開源道60號駱駝漆大廈第3期1樓N室
http://instagram.com/seven_log
大仁生活facebook
沒有留言:
張貼留言