2016年7月28日 星期四

【唔駛坐飛機】6小時環遊世界!! 玩轉地球村

今日我跟SY:「爸爸帶你去環遊世界啦!, SY:「吓? 我唔想, 我唔鍾意搭飛機」. 放心...今次環遊世界不用坐飛機, 只要去坐挪亞方舟就得.


首先, 到德國學手風琴, 其實, 我只知德國有大肉腸, 原來手風琴也是名物.


不過, 當年阿太迫SY練鋼琴, 小朋友已經對電子琴有少少戒心, 幸好今次的民族歌謠已經算非常簡單, 彈二, 三次已經可以成曲.


我問SY:「你感唔感受到德國傳統節慶文化??, SY:「咩化? E個琴就係德國嗱? 咁之後去邊?(亞馬遜)


SY:「去見幪面超人亞馬遜? (:唔係! 係熱帶雨林騎馬), 我想去, 騎馬一定好玩過彈琴, D...爸爸」


神秘的亞馬遜, 果然名不虛傳, 連大人亦可以齊齊騎電動動物車...:「點解我揀嗰隻唔郁嘅?


阿太:「你係米重得滯?」當我換了另一隻動物, :「得啦!! 頭先嗰隻唔夠電呀!, :「係咩? 我同阿囝兩個一齊坐都郁, 可能我夠輕呀!



其實, 我真的肥了不少, 無辦法, 每晚一邊食宵夜, 一邊寫文...體重由130直逼150, 連自己也覺得可怕. 所以, 近日不停行來行去捉精靈, 就是我瘦身的第一步啦.


小朋友騎動物騎到不願離開, 而肥仁則汗流浹背...還是去到室內, 嘆住冷氣睇「亞洲廚神奇趣劇」


兩位廚神, 足以令全場小朋友笑到震天...因為又有魔術, 又有雜技, 又有互動, SY:「多D魔術就好...好似街頭魔法王咁多就正」



搞鬼真人騷過後, 我們又從亞洲飛過蘇格蘭學打鼓.SY:「點解要著裙嘅?


因為傳統慶典的儀仗服呀!! 愛跑, 愛嘈, 愛發狂就是阿囝的名字, 所以, 搞鼓發洩, SY真的有點似郭富城套「殺人犯」內譚真一的眼神...


鼓手是不是很好玩呢? 作為老仁也想試一試戴上「家有喜事」何里玉的假髮, 齊齊隆隆隆, 隆隆隆...老實說, 發洩過後, 心情果然似捉到比卡超一樣...非常HIGH喎.



之後就是非常靜態的「印第安變臉工作坊」, 一家三口齊齊手製一頂印第安頭飾...戴住有點似我昨日捉到的大舌頭般傻.


要成為印第安土著, 當然要再畫上彩臉, 瞬間變猶長....得咗. SY:「額頭紅色係損咗呀!!


之後自製日本扇」, 金魚仔我第一眼已經覺得似歐陽震華. 


肥啫啫...一屋美人魚囉.


最後「百變『萌』族自拍區」, 小朋友可以穿上不同民族服裝, Selfie.



西班牙鬥牛勇士, 身為爸爸當然就扮隻牛. 6小時環遊世界遊戲亦完滿結束...


小朋友們在巴士上依然精神抖擻, 而老牛則一覺睡至落車, 原來環遊世界後, 陪玩的大人是更加攰喎!!


挪亞方舟「玩轉開心地球村」
日期: 即日至8月28日(逢星期四至日)
地點: 香港新界馬灣珀欣路33號

詳情:http://www.noahsark.com.hk

入場費: 凡進入挪亞方舟人士需繳付入場費,成人HK$168;小童及長者HK$138


大仁生活facebook

沒有留言:

張貼留言