2016年7月13日 星期三

【呢班小鬼唔定性】捐$30入蘑菇屋‧ 同藍精靈爸爸玩遊戲

5日前經過尖沙咀碼頭, 一大一細蘑菇屋已經屹立海運露天廣場, SY:E...有兩間屋仔嘅, 好似小雲嗰間屋喎」( 我: 唔係小雲, 係藍精靈嘅精靈村呀?)


SY:「爸爸! 你點知呀? 又無寫」因為一早已經收到風, 所以, 今日第一時間又帶阿囝過來影 35隻藍精靈 .



昨日, 90後的同事問我:「邊有人會鍾意睇藍精靈架? 前年, 我係戲院睇...隻隻毛茸茸, 仲要3D, 好得人驚」



1984TVB播放的藍精靈可愛, 2008的電腦CG電影則有點可怕, 所以, 如果你和我一樣覺得藍精靈可愛, 可能代表你的年紀也...


這條精靈造得好有童話Feel, 大場就是大場...同區有另一商場又是30隻小丸子大晒冷...但只予人夾硬塞一堆公仔的感覺.



點解今次沒有阿沙, 及加逹呢? 左望右望, 3D公仔果然沒有, 2D海報就大大個各一張掛在牆壁上


SY望著美芝:「點解三個公仔都要送花畀佢嘅?, :「因為佢係精靈界女神, 你覺唔覺得佢靚呀?


SY:「唔靚, 我覺得嗰間菇菇屋最靚...我想入去玩呀」


只要捐$30, 就可以入精靈爸爸蘑菇屋, 睇電視, AR...SY:「有冷氣真係好舒服呀!(原來, 你想入嚟嘆冷氣)


因為有人怕熱, 所以, 我還未來得及逐隻藍精靈就要走, 果然未有看過這套電視的小朋友, 就是少了一份投入.


估不到藍精靈也會有原稿展出, 而且還在二樓「藝術館」展出, SY:E度都有頭先嗰個藍精靈BB喎」


其實, 30年前的卡通入面, 究竟有沒有BB? 我不記得, 我只發現這個藝術館的格局, 令我聯想到當年宮崎駿的作品展.


最後走到近港威的位置, 有一個超巨型4, 飛天藍精靈...SY:「爸爸! 你又話藍精靈只有3個蘋果咁高....E隻成間屋咁」


藍精靈期間限定店, 如果不攪一攪心思, 又怎會引到你過來大出血呢?


SY:「咩出血呀? 爸爸! 我想買件有精靈BB嘅衫呀 (:乜你都鍾意藍精靈?), 唔係, 我鍾意隻BB啫」阿囝你真太濫喎!!


精靈村@海港城
日期: 2016年7月14日至8月21日
時間: 上午10時至晚上10時
地點: 海運大廈露天廣場



大仁生活facebook

沒有留言:

張貼留言