【大人都玩得】免費任玩‧ 蠟筆小新 3 大Games

其實, 明明主角叫野原新之助, 點解會叫蠟筆小新呢? SY:「梗係花名啦, 點會有人叫蠟筆, 一係佢就改名, 我有個男同學最近都改咗名」

不論有沒有改名, 總知一提起小新, 我第一時間想起亞視, 及何B仔...我問沒有看過小新的SY:「你鍾唔鍾意小新呀?」

SY想也不想:「唔鍾意...(不過今次可以瀡大笨象瀡滑梯, 同玩大大波喎), 吓? 咁我鍾意呀! 我好鍾意瀡滑梯麻」(轉軚轉得飛快的小朋友)

不得不讚今次的三大遊戲裝置, 因為真正免費, 不用商場消費, 只要排隊就可以玩, 而且真正大人都可以玩先無敵.

這個3.5米高的大笨象瀡滑梯, 簡直一絶.

由何B仔變成而成的大笨象, 我告訴SY大笨象的意思, 他竟然答:「爸爸...你唔好講核突嘢啦」(係真架...你唔信我)

巨型人體滾球, 十足WeWa的水上飄陸地版, 雖然非常親子的運動, 但也很難控制...

SY:「歪咗啦...爸爸...唔郁呀! 真係好難玩」, 因為賽道闊度與陸地滾球的體積差不多, 所以偶一偏差, 便會失平衡力卡住中間. 看似容易, 實質挑戰體能極限.

三個遊戲最簡單算是閃避貓爪木人樁, 不過SY說:「我要避開D蠟筆, (商場話係貓爪), 一支支伸長縮短仲唔係蠟筆?」

最攪笑就是其中兩支貓爪,(蠟筆), 可以人手操控, 原來阿囝已經變得很大力, 我也差點鬥不過他喎...

商場另一邊就是電影手稿, 不過老實說, 我一套小新電影也沒有看過, 因為我經常認為美冴=葉劉...驚驚!!

SY:「爸爸! E個係米Sunday好戲王個版? 其實小新個樣好奇怪, 點解佢要搣自己個PatPat嘅?」(小新根本就係一個咸濕嘅大人扮嘅)

這裡有一個工作坊, 可以集齊各個角式的印章, 工作人員:「其實要問詢問處攞收集卡, 之後商場每一層都有一個印章, 你可以集齊一套, (集齊有咩禮物呢?), 只係靚, 無禮物」(唔好意思, 大叔比較貪心)

工作坊前有一個佈滿星星氣球的走廊...SY:「好香呀! 好似啫喱味」(其實只係大量膠氣球的塑膠味)

SY:「爸爸! E度唔係走廊喎...好似我哋係759買嗰D朱古力餅咁嘅?」(係喎!係喎! 真係我哋上次買嘅蠟筆小新朱古力放大版喎...阿囝你好勁)

今日, 最開心當選可以和小新集郵...SY:「佢好鍾意超人咩? 點解扮超人?」(係呀!佢真係好鍾意超人, 動感超人呀!)

SY:「鹹蛋超人, 幪面超人我就聽過, 動感超人??」(得閒DL返蠟筆小新畀你睇下啦)

《蠟筆小新Summer Challenge》
日期：即日至8月31日
遊戲開放：平日 (12:00至20:00)
                    周末(10:30至20:00)
地點： 荃灣廣場1樓中庭
費用： 全免

蠟筆小新電影經典角色設計手稿展覽
開放時間： 10:30至21:30

大仁生活facebook