網頁

2016年6月6日 星期一

【返學啦! 霸枱打乒乓波!】餐廳變學校...數學堂嘆五花腩

第一次走去諾士佛臺返學...朋友A問我:「點解你唔帶SY?? 佢應該好鍾意E度喎」


我家武則天嚴禁考試中的囝踏出家門...我答:「我哋離開咗學校50, 今晚見到間餐廳, 扮晒學校就話得意啫...阿囝日日返學, 可能佢見到, 即刻想調頭走添呀」


 這間校園餐廳, 分別有三間房, 設計成實驗室, 美術室, 及數學室給客人進食...意念一流.


美術室, 與我們的數學室也差不多, 如果可以揀, 早知我揀實驗室入座, 因為好多小玩意玩喎.


小食部是由收銀櫃改裝而成, 一包珍珍賣$15...原來今時今日真的百物騰貴喎. (點解, 小食部無福麵, 魚蛋, 雞髀??)


走入課室, 我以為店員會即時遞上餐牌, 誰知交給我的是「突擊測驗」, 店員:「你先答咗啲IQ, 之後先可以有Menu嘅」


IQ題有7題是爛Gag, 一早己問到爛...其餘的還是上網找答案. (因為仁蠢無IQ) , 90分的我可以獲得一杯巨蜂Wine...(點解我DD巨蜂味都飲唔出??)


巨蜂乳酸 $32, 柚子菠蘿梳打 $28 我是貪其用試管杯盛載才點...我的梳打很淡口味, 還是乳酸好飲得多.


鐵板芝士五花腩 $58, 絶對是全晚最最最好食的菜式. 最重要可以拉芝, 雖然芝士不多.


啖啖肉, 又夠香, 半肥半廋好好食...略嫌油太多囉!!


辣炒年糕 $68, 就是吃慣了的韓式甜甜辣辣的味道, 不是十分特別.


朋友A:「你唔覺得佢炒得好韌, 十足香口膠, 我咬到牙胶都軟晒」(有冇咁誇?? 只係比較出面韌咗少少啫, 都可以接受嘅)


韓式辣醬燒牛仔骨 $68, 我問店員:「可唔可以畀D沙律醬我?, 店員:「牛肉已經有調味, 所以唔駛點醬都得, 同埋我哋無沙律醬」


其實酒樓山竹牛肉都有調味, 但我習慣要點喼汁一樣...沙律醬配牛仔骨, 點解唔得?? 秉承學園祭的多油煮法, 其實, 兩個大叔開始有點膩.


最後...勁無敵的蜜糖牛油炸雞($98)上枱...朋友:「嘩! 我第一次見D炸雞咁核突...(醜樣可能好好食呢!!)


結果我食完後說:「你講得啱...D脆漿又厚又硬, 十足千年油炸完再炸...幸好有蜜糖味, 否則無雞味...整口就是硬掘掘的脆漿


朋友:E度都係呃我哋D十世無返過課室嘅大叔錢啦...」今晚就當參觀費吧!! 起碼都有得霸枱打乒乓波先啦...
  
學園祭
地址:尖沙咀諾士佛臺1號6樓
電話:2687 6565
營業時間:星期一至四 12nm-11pm 星期五及六 12nm-12am 星期日: 6pm-11pm


大仁生活facebook

1 則留言: