【布甸狗大大舊】剩睇個樣都殺晒!! 今次真係芒果布甸~狗

朋友V通知:「快D去美心買布甸狗蛋糕畀SY啦, 好可愛」 20歲生日的布甸狗真的無處不在.

於是第一時間致電美心, 店員說:「你留電話就可以預留畀你, 你要唔要埋有兩杯甜品?? (我: 要啦!今次有冇禮物加錢換呢?) 今次又真係 無喎」

因為想給SY一個驚喜, 所以叫他跟媽媽走落地鐵站買東西...當他一見美心有布布, 果然尖叫:「嘩!點解有布布蛋糕嘅? 好靚呀!」

卡通造型蛋糕的市場策略勁得, 起碼無知的父母, 一定會盲目買來取悅小朋友, 店員問:「要唔要生日牌, 同蠟燭??」(如果我話普通日子買嚟食, 係米好戇居?

今次的蛋糕是芒果Mousse味道, SY:「我唔捨得切喎...不過我又好想食...不如我切頂帽, 好似唔會整爛布布」

其實, $176如此大的Mousse Cake, 算非常抵, 起碼沒有我最討厭的海棉部份...

SY:「好食呀!! 好多芒果. (我:你都唔鍾意食生果, 佢又唔係朱古力), 咁布甸係黃色, 梗係芒果味啦...」

卡通杯裝甜品, 這是美心的搶錢必殺技, 專攻賣相, 慕求一出, 粉絲迷便全部乖乖付款.

布甸狗國王就是雞蛋布甸, 麵包布布造型則是朱古力Mousse, 各$32. (目測~暫時好似國王款幾間美心都缺貨)

我經常說:「$32卡通杯應該佔了$25, 實際的甜品, 我兩啖可以KO...」朱古力怪:「好食...好滑, 好有朱古力味」

老實說, 我認為朱古力非常假, 我問SY:「上次Paul Lafayet 食 Creme Brulee 好啲, 定今次好食D?」

SY想也不想:「梗係Creme Brulee」我:「算你識貨...人哋都係$70/兩杯, 只係貴$3, 又大杯, 又有得睇表演, 仲好食好多...美心就嚟上得市啦」

SY:「2隻杯真係好靚!! 爸爸...你睇個國王樣幾得意」(個模玩咗幾年, 印乜公仔都得啦...又唔係Bearbrick有咩咁得意, 佢個菊花就得意)

大仁生活facebook